ജീവിതത്തിലെ ഏറ്റവും മികച്ച കാലം ഏതായിരുന്നുവെന്ന് ചോദിച്ചാൽ, അതിന് ഭൂരിഭാഗം ആളുകൾക്കും പറയാൻ ബാല്യകാലം എന്ന ഒറ്റ ഉത്തരമാണുള്ളത്. ജീവിതത്തിലെ ഏറ്റവും മനോഹരമായ നിമിഷങ്ങളിലൂടെ കടന്നു പോയ കാലം. വീണ്ടും ആ ബാല്യകാലം നമ്മെ തേടി വന്നിരുന്നുവെങ്കില്ലെന്ന് കാലങ്ങൾ പിന്നിടുമ്പോൾ പലപ്പോഴും നമുക്ക് തോന്നിയിരിക്കാം. ആ മനോഹരമായ കാലഘട്ടം നമ്മിൽ നിന്നും വിദൂരമാണെങ്കിലും നാം പങ്കുവച്ച കളി ചിരി ഓർമ്മകൾ വീണ്ടും പുനർ സൃഷ്ടിക്കാൻ നമുക്ക് കഴിയും. വ്യോമയാന മന്ത്രി ജ്യോതിരാദിത്യ സിന്ധ്യ പങ്കുവച്ച അത്തരം ദൃശ്യങ്ങളാണ് കുട്ടിക്കാലത്തെ മനോഹരമായ ഓർമ്മകളിലേക്ക് ഇപ്പോൾ നമ്മെ കൂട്ടികൊണ്ട് പോകുന്നത്.
തിരക്കുകൾ എല്ലാം മാറ്റി വച്ച് തന്റെ ഒഴിവു സമയം യുവാക്കൾക്കൊപ്പം ഗില്ലി- ദണ്ഡ (കുട്ടീം കോലും) കളിക്കുകയാണ് കേന്ദ്രമന്ത്രി. ഒഴിവു സമയങ്ങൾ കണ്ടെത്തി ഇത്തരം വിനോദങ്ങളിൽ ഏർപ്പെടുന്നത് ബാല്യകാലത്തിന്റെ സ്മരണകൾ തരുന്നതിനൊപ്പം നമ്മുടെ സംസ്കാരത്തെ പ്രതിനിധാനം ചെയ്യുന്നുവെന്നും കായിക ക്ഷമത വർദ്ധിപ്പിക്കുന്നുവെന്നും ജ്യോതിരാദിത്യ സിന്ധ്യ കുറിച്ചു.
क्रिकेट तो बहुत खेला, आज गिल्ली डंडा खेलने में मज़ा बहुत आया। आप सब भी ट्राई करके बताइए, आप सब से गिल्ली उड़ी या नहीं…? pic.twitter.com/fJaYUmYk18
— Jyotiraditya M. Scindia (@JM_Scindia) February 5, 2024
സമൂഹമാദ്ധ്യമമായ എക്സിലൂടെയാണ് കേന്ദ്രമന്ത്രി കുട്ടീം കോലും കളിക്കുന്നതിന്റെ വീഡിയോ പങ്കുവച്ചത്. ദൃശ്യങ്ങൾ വൈറലായതോടെ നിരവധി പേരാണ് അവരുടെ ബാല്യകാല ഓർമ്മകൾ പങ്കുവച്ച് രംഗത്തെത്തിയത്. പഴയ കാലത്തേക്ക് തിരിച്ചു പോകാൻ കഴിഞ്ഞിരുന്നെങ്കിൽ അത് ബാല്യ കാലത്തേക്ക് പോകാൻ തിരഞ്ഞെടുക്കുമായിരുന്നുവെന്നും ആളുകൾ അഭിപ്രായപ്പെട്ടു.
