മുബൈ: 48 വർഷത്തെ കോൺഗ്രസ് ബന്ധം അവസാനിപ്പിച്ച മഹാരാഷ്‌ട്രയിലെ മുതിർന്ന നേതാവ് ബാബ സിദ്ദീഖ് എൻഡിഎ സഖ്യത്തിലേക്ക്. മഹാരാഷ്‌ട്ര മുൻ ഭക്ഷ്യ വകുപ്പ് മന്ത്രിയായിരുന്നു. എൻസിപിയുടെ ഔദ്യോഗി പക്ഷമായ അജിത് പവാറ് വിഭാഗത്തിലാകും ബാബ സിദ്ദീഖ് ചേരുക. 48 വർഷത്തെ കോൺഗ്രസ് ജീവിതം അവസാനിക്കുകയാണെന്ന് എക്സിലിട്ട കുറിപ്പിലൂടെയാണ് ബാബ സിദ്ദീഖ് വെളിപ്പെടുത്തിയത്. ഇത് ഇൻഡി മുന്നണിക്ക് വലിയ ആഘാതം സൃഷ്ടിച്ചിട്ടുണ്ട്.
യാത്ര അതിമനോഹരമായിരുന്നുവെന്നും എന്നാൽ ചില കാര്യങ്ങൾ പറയാതിരിക്കുന്നതാണ് നല്ലതെന്നും ബാബ സിദ്ദീഖ് എക്സിൽ പറഞ്ഞു. യാത്രയിൽ ഒപ്പമുണ്ടായിരുന്നവർക്ക് നന്ദിയെന്നും ബാബ സിദ്ദീഖ് പറഞ്ഞു. 1977 മുതൽ കോൺഗ്രസ് പ്രവർത്തകനായിരുന്ന ബാബ സിദ്ദീഖ് രാജി പ്രഖ്യാപിച്ചത് ലോക്സഭ തിരഞ്ഞെടുപ്പിനൊരുങ്ങുന്ന കോൺഗ്രസിന് വലിയ ഞെട്ടലാണുണ്ടാക്കിയത്.
I joined the Indian National Congress party as a young teenager and it has been a significant journey lasting 48 years. Today I resign from the primary membership of the Indian National Congress Party @INCIndia with immediate effect. There’s a lot I would have liked to express…
— Baba Siddique (@BabaSiddique) February 8, 2024
“>
