നിരവധി കുറ്റാന്വേഷണ ചിത്രങ്ങളുടെ തിരക്കഥാകൃത്തായ എസ്എൻ സ്വാമി സംവിധായകനാകുന്ന ചിത്രത്തിന്റെ ടൈറ്റിൽ പോസ്റ്റർ പുറത്തുവിട്ടു. ധ്യാൻ ശ്രീനിവാസൻ നായകനാകുന്ന ചിത്രത്തിന്റെ മോഷൻ പോസ്റ്റർ മെഗാസ്റ്റാർ മമ്മൂട്ടി കമ്പനിയുടെ യൂട്യൂബ് ചാനലിലൂടെയാണ് പുറത്തുവിട്ടത്.’ സീക്രട്ട്’ എന്നാണ് ചിത്രത്തിന്റെ പേര്.
ചിത്രത്തിന്റെ ഫസ്റ്റ് ലുക്ക് പോസ്റ്ററിന്റെ പ്രകാശനം മെഗാ സ്റ്റാർ മമ്മൂട്ടി നിർവഹിച്ചു. മോട്ടിവേഷണൽ ഡ്രാമ ജോണറിലാണ് ചിത്രം ഒരുങ്ങുന്നത്. ചിത്രത്തിന്റെ പോസ്റ്റർ താരങ്ങളായ പൃഥ്വിരാജ് സുകുമാരൻ, ടൊവിനോ തോമസ്, നിവിൻ പോളി, ബേസിൽ ജോസഫ് തുടങ്ങിയവർ സമൂഹമാദ്ധ്യമങ്ങളിൽ പങ്കുവച്ചു.
View this post on Instagram
ധ്യാൻ ശ്രീനിവാസൻ, അപർണാ ദാസ്, ജേക്കബ് ഗ്രിഗറി, കലേഷ് രാമാനന്ദ്, ആർദ്രാ മോഹൻ, രഞ്ജിത്ത്, രഞ്ജി പണിക്കർ, ജയകൃഷ്ണൻ, സുരേഷ് കുമാർ, അഭിരാം രാധാകൃഷ്ണൻ, മണിക്കുട്ടൻ എന്നിവരാണ് സീക്രട്ടിലെ പ്രധാന കഥാപാത്രങ്ങളെ അവതരിപ്പിക്കുന്നത്.
ലക്ഷ്മി പാർവ്വതി വിഷന്റെ ബാനറിൽ രാജേന്ദ്ര പ്രസാദാണ് സീക്രട്ട് നിർമ്മിക്കുന്ന ചിത്രത്തിന്റെ കഥയും തിരക്കഥയും ഉരുക്കിയിരിക്കുന്നത് എസ്എൻ സ്വാമി തന്നെയാണ്. ചിത്രത്തിന്റെ സംഗീതം ഒരുക്കുന്നത് ജേക്ക്സ് ബിജോയ് ആണ്. എസ് എൻ സ്വാമി സംവിധായകനാകുന്ന ചിത്രത്തിൽ മകൻ ശിവ്റാം ആണ് സഹസംവിധായകനായി എത്തുന്നത്.
ധ്യാൻ ശ്രീനിവാസന്റെ ചിത്രം ഉൾക്കൊള്ളിച്ച പോസ്റ്ററാണ് പുറത്തുവിട്ടിരിക്കുന്നത്. ടൈറ്റിൽ പോലെ തന്നെ ഏറെ രഹസ്യങ്ങൾ ഒളിച്ചുവച്ചിരിക്കുന്ന പോസ്റ്റർ തന്നെയാണ് പുറത്തുവന്നിരിക്കുന്നത്. തമിഴ്നാട് ചിത്രത്തിന്റെ പ്രധാന ലൊക്കേഷൻ. എന്നാൽ പ്രോജക്റ്റ് സംബന്ധിച്ച മറ്റ് വിവരങ്ങളൊന്നും ഇപ്പോൾ പുറത്തുവിട്ടിട്ടില്ല.
