ഫ്രാൻസിന് പിന്നാലെ ശ്രീലങ്കയിലും മൗറീഷ്യസിലും; യുപിഐ സേവനം ഉദ്ഘാടനം ചെയ്ത് രാഷ്‌ട്രത്തലവന്മാർ; ഡിജിറ്റൽ കുതിപ്പുമായി ഭാരതം

ന്യൂഡൽഹി: യുപിഐ മുഖേനയുള്ള പണമിടപാട് സംവിധാനത്തിന് (Unified Payment Interface) ശ്രീലങ്കയിലും മൗറീഷ്യസിലും തുടക്കമിട്ടു. പ്രധാനമന്ത്രി നരേന്ദ്രമോദി വീഡിയോ കോൺഫറൻസിലൂടെയാണ് ഇരുരാജ്യങ്ങളിലും യുപിഐ ലോഞ്ചിം​ഗ് നടത്തിയത്. ശ്രീലങ്കൻ പ്രസിഡന്റ് റനിൽ വിക്രമസിം​ഗെയുടെയും മൗറീഷ്യസ് പ്രധാനമന്ത്രി പ്രവിന്ദ് ജു​ഗ്നൗത്തിന്റെയും സാന്നിധ്യത്തിലായിരുന്നു ലോഞ്ചിം​ഗ്. ഇതോടൊപ്പം മൗറീഷ്യസിൽ റൂപേ (RuPay) കാർഡ് സർവീസുകളുടെ സേവനവും ആരംഭിച്ചു.

#WATCH | Prime Minister Narendra Modi, Sri Lankan President Ranil Wickremesinghe and Mauritius Prime Minister Pravind Jugnauth participate in the launch of UPI services in the two countries, via video conferencing pic.twitter.com/EPTvyIRBq0

— ANI (@ANI) February 12, 2024

തുടർന്ന് ശ്രീലങ്കയിൽ നിന്നും മൗറീഷ്യസിൽ നിന്നും ഇന്ത്യൻ പൗരന്മാർ യുപിഐ സേവനമുപയോ​ഗിച്ച് ആദ്യ പണമിടപാട് നടത്തി. ഇതിന്റെ ദൃശ്യങ്ങളും തത്സമയം സംപ്രേഷണം ചെയ്തിരുന്നു.

#WATCH | First UPI transaction conducted by an Indian citizen in Sri Lanka. pic.twitter.com/ub2BUlGZRx

— ANI (@ANI) February 12, 2024

#WATCH | First UPI transaction conducted by an Indian national in Mauritius. pic.twitter.com/AUoxvEvqqG

— ANI (@ANI) February 12, 2024

ഇത് മൗറീഷ്യസ്-ഇന്ത്യാ ചരിത്ര ബന്ധത്തിലെ നാഴികക്കല്ലായ അവസരമാണെന്നും പങ്കുചേരാൻ കഴിഞ്ഞതിൽ അതിയായ സന്തോഷമുണ്ടെന്നും പ്രധാനമന്ത്രി പ്രവിന്ദ് ജു​ഗ്നൗത്ത് പ്രതികരിച്ചു.

സാംസ്കാരികവും വാണിജ്യപരവുമായി ശക്തമായ ബന്ധമാണ് ഇന്ത്യയും മൗറീഷ്യസും തമ്മിലുള്ളത്. ഈ ബന്ധം നൂറ്റാണ്ടുകൾ പഴക്കമുള്ളതാണ്. ഇന്നത്തെ ഈ അസുലഭ നിമിഷത്തിലൂടെ ഇരുരാജ്യങ്ങൾക്കിടയിലുമുള്ള ബന്ധത്തിന് മറ്റൊരു മാനം കൈവന്നിരിക്കുകയാണെന്നും മൗറീഷ്യസ് പ്രധാനമന്ത്രി പറഞ്ഞു.

#WATCH | Mauritius PM Pravind Jugnauth says, "It gives me great pleasure to join you all on this milestone occasion. The Rupay card co-branded with our national payment switch, the MoCAS will be designated as the domestic card in Mauritius. India and Mauritius share strong… pic.twitter.com/iqYAmuUQGj

— ANI (@ANI) February 12, 2024

യുപിഐ സംവിധാനം യാഥാർത്ഥ്യമായ സാഹചര്യത്തിൽ ശ്രീലങ്കയിലേക്കും മൗറീഷ്യസിലേക്കും യാത്ര ചെയ്യുന്ന ഭാരതീയർക്ക് എളുപ്പത്തിൽ പണമിടപാടുകൾ നടത്താൻ കഴിയുന്നതാണ്. സമാനമായി മൗറീഷ്യസിൽ നിന്നും ശ്രീലങ്കയിൽ നിന്നും ഇന്ത്യയിലെത്തുന്നവർക്കും യുപിഐ സേവനം ​ഗുണകരമാവും. റുപേ കാർഡ് സേവനം ആരംഭിച്ചതിനാൽ മൗറീഷ്യസിലെ ബാങ്കുകൾക്ക് RuPay മെക്കാനിസത്തിലൂടെ കാർഡുകൾ നൽകാൻ കഴിയും. ഇതുവഴി ഇന്ത്യയിലും മൗറീഷ്യസിലും പണമിടപാട് നടത്താം. ഇരുരാജ്യങ്ങളും തമ്മിലുള്ള പരസ്പര സഹകരണം വളർത്തുന്നതിനും ടൂറിസം പ്രോത്സാഹിപ്പിക്കുന്നിതിനും ഇത് മുതൽക്കൂട്ടാകും.