നടി അനുശ്രീയെയും തന്നെയും സംബന്ധിച്ച് ഫേസ്ബുക്കിലെ ഒരു പേജിൽ വന്ന പോസ്റ്റിന് മറുപടിയുമായി നടൻ ഉണ്ണി മുകുന്ദൻ. തന്റെ ഫേസ് ബുക്ക് പേജിലൂടെയാണ് ഉണ്ണിമുകുന്ദൻ മറുപടി നൽകി പോസ്റ്റിട്ടിരിക്കുന്നത്. പോപ്പുലർ ഒപീനിയൻസ് മലയാളം എന്ന ഗ്രൂപ്പിൽ വന്ന പോസ്റ്റിന്റെ സ്ക്രീൻ ഷോട്ട് പങ്കുവച്ചുകൊണ്ടായിരുന്നു ഉണ്ണി മുകുന്ദന്റെ മറുപടി.
‘മലയാളികൾ കാത്തിരിക്കുന്നത് ഇവരുടെ കല്യാണം എന്ന് നടക്കും എന്നറിയാനാണ്’ എന്ന ക്യാപ്ഷനോടെയായിരുന്നു ഗ്രൂപ്പിൽ ഉണ്ണിമുകുന്ദന്റെയും അനുശ്രീയുടെയും ചിത്രം പങ്കുവച്ചിരുന്നത്. ഇതിന്റെ സ്ക്രീൻ ഷോട്ട് ഷെയര് ചെയ്ത് ഈ ടൈപ്പ് വാര്ത്തകള് നിര്ത്താന് ഞാന് എത്ര പേമെന്റ് ചെയ്യണം? എന്നാണ് ഉണ്ണി മുകുന്ദൻ ചോദിക്കുന്നത്.
പോസ്റ്റിന് താഴെ നിരവധി പേരാണ് കമന്റുമായി എത്തിയിരിക്കുന്നത്. നാട്ടുകാർ കാര്യങ്ങൾ തീരുമാനിക്കുന്ന അവസ്ഥയാണിപ്പോൾ, ഒന്നും മൈൻഡ് ചെയ്യേണ്ട, വകതിരിവില്ലാത്ത ആളുകളാണ് എന്നിങ്ങനെയുള്ള കമന്റുകളാണ് നിറഞ്ഞിരിക്കുന്നത്.
