തിരുവനന്തപുരം:തമ്പാനൂർ റെയിൽവേ സ്റ്റേഷന് സമീപം യുവാവിന് ഇലക്ട്രിക് ലൈനിൽ നിന്ന് ഷോക്കേറ്റു. റെയിൽവേ സ്റ്റേഷന് സമീപമുള്ള ലൈനിൽ നിന്നാണ് ഷോക്കേറ്റത്. ഗുരുതരമായി പൊള്ളലേറ്റ തൃക്കണ്ണാപുരം സ്വദേശിയെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്. റെയിൽവേ സ്റ്റേഷന് സമീപമുള്ള മതിൽ ചാടി കടന്നെത്തിയ യുവാവ് ഇലക്ട്രിക് ലൈനിൽ കയറിപ്പിടിക്കുകയായിരുന്നുവെന്ന് ദൃക്സാക്ഷികൾ പറയുന്നു.
ആത്മഹത്യാ ശ്രമമാണെന്നാണ് പ്രാഥമിക നിഗമനം. സംഭവത്തിൽ ഗുരുതരമായി പരിക്കേറ്റ യുവാവിനെ ആദ്യം ജനറൽ ആശുപത്രിയിലും പിന്നാലെ മെഡിക്കൽ കോളേജിലും എത്തിക്കുകയായിരുന്നു. യുവാവ് ജീവനൊടുക്കാൻ ശ്രമിച്ചതായാണ് പോലീസ് നിഗമനം. വിഷയത്തിൽ കൂടുതൽ തെളിവുകൾ ശേഖരിച്ചു വരികയാണെന്ന് പോലീസ് അറിയിച്ചു.
