സെലിബ്രിറ്റി ക്രിക്കറ്റ് ലീഗിന്റെ പത്താം സീസണിലേക്കുള്ള കേരള സ്‌ട്രൈക്കേഴ്‌സിന്റെ ടീം പ്രഖ്യാപിച്ചു. നടൻ ഇന്ദ്രജിത്ത് സുകുമാരനാണ് ടീമിന്റെ ക്യാപ്റ്റൻ. എട്ട് ടീമുകൾ അണിനിരക്കുന്ന പുതിയ സീസൺ ഫെബ്രുവരി 23 ന് ആരംഭിക്കും. ടീമിനൊപ്പമുള്ള ചിത്രം ഇന്ദ്രജിത്ത് സോഷ്യൽ മീഡിയയിലൂടെ പങ്കിട്ടു.
32 ആംഗങ്ങളുള്ള ടീമിനെയാണ് പ്രഖ്യാപിച്ചിരിക്കുന്നത്. ബിനീഷ് കോടിയേരിയാണ് ടീമിന്റെ വൈസ് ക്യാപ്റ്റൻ. ‘ ഈ സീസണിൽ വലിയൊരു ടീമുമായി കളത്തിലിറങ്ങുകയാണ്. ഈ സീസണിൽ കേരളാ സ്‌ട്രൈക്കേഴ്‌സ് മികച്ച പ്രകടനം കാഴ്ചവയ്ക്കും. സെലിബ്രിറ്റി ക്രിക്കറ്റ് ലീഗ് ഫെബ്രുവരി 23 ന് ആരംഭിക്കും’. ഇന്ദ്രജിത്ത് സമൂഹമാദ്ധ്യങ്ങളിൽ കുറിച്ചു.
View this post on Instagram
തെലുഗു വാരിയേഴ്‌സ്, ചെന്നൈ റൈനോസ്, ഭോജ്പൂരി ദബാംഗ്, പഞ്ചാബ് ദഷേർ, കർണാടക ബുൾഡോഴ്‌സേഴ്‌സ്, മുംബൈ ഹീറോസ് എന്നിവയാണ് മറ്റ് ടീമുകൾ. ഷാർജ ക്രിക്കറ്റ് സ്റ്റേഡിയത്തിലാണ് ഉദ്ഘാടന മത്സരം നടക്കുന്നത്. ആദ്യ മത്സരത്തിൽ കേരള സ്‌ട്രൈക്കേഴ്‌സും മുംബൈ ഹീറോസും ഏറ്റുമുട്ടും. തിരുവനന്തപുരം കാര്യവട്ടം ഗ്രീൻഫീൽഡ് സ്റ്റേഡിയവും മത്സര വേദിയാകും.
കേരള സ്‌ട്രൈക്കേഴ്‌സ് ടീം: ഇന്ദ്രജിത്ത്, ബിനീഷ് കോടിയേരി, രാജീവ് പിള്ള, വിവേക് ഗോപൻ, പ്രശാന്ത്, ആന്റണി വർഗ്ഗീസ്, അർജുൻ നന്ദകുമാർ, ലാൽ ജൂനിയർ, മണിക്കുട്ടൻ, സിജു വിൽസൺ, സണ്ണി വെയ്ൻ, മുന്ന സൈമൺ, സഞ്ചു സലിം, സൈജു കുറുപ്പ്, ഷഫീഖ് റഹ്‌മാൻ, സിദ്ധാർത്ഥ്, വിനു മോഹൻ, വിഷ്ണു ഇന്ദൂരി, അനൂപ്, മദൻ മോഹൻ.
