17-ാമത് ഐപിഎൽ സീസണിന് മാർച്ച് 22ന് തിരിതെളിയും. ആദ്യ രണ്ടാഴ്ചയ്ക്കുള്ള മത്സരക്രമമാണ് ബിസിസിഐ പുറത്തുവിട്ടിരിക്കുന്നത്. 10 നഗരങ്ങളിലായി 21 മത്സരങ്ങളാണ് നടക്കുക. ഉദ്ഘാടന മത്സരത്തിൽ നിലവിലെ ചാമ്പ്യന്മാരായ ചെന്നൈ സൂപ്പർ കിംഗ്സും റോയൽ ചലഞ്ചേഴ്സ് ബാംഗ്ലൂരും തമ്മിൽ ഏറ്റുമുട്ടും. 22ന് വൈകിട്ട് 6.30ന് എം. എ ചിദംബരം സ്റ്റേഡിയത്തിലാണ് ത്രില്ലർ പോരാട്ടം. മുൻ ഇന്ത്യൻ നായകന്മാരായ ധോണിയും കോലിയും നേർക്കുനേർ മത്സരത്തിൽ നേർക്കുനേർ വരുന്നത് കാണാം.
മലയാളി താരം സഞ്ജു സാംസണ് കീഴിലിറങ്ങുന്ന രാജസ്ഥാൻ റോയൽസിന്റെ ആദ്യ മത്സരം മാർച്ച് 24 ന് ജയ്പൂരിലാണ്. ലക്നൗ സൂപ്പർ ജയന്റ്സാണ് എതിരാളികൾ. ഉച്ച കഴിഞ്ഞ് 2.30നും വൈകിട്ട് 6.30 നുമാണ് മത്സരങ്ങൾ നടക്കുക.
