മലപ്പുറം: മലയാളി ഭീകരൻ അഫ്ഗാനിസ്ഥാനിൽ പിടിയിൽ. മലപ്പുറം ഉള്ളാട്ടുപ്പാറ സ്വദേശി സനവുൾ ഇസ്ലാമാണ് പിടിയിലായത്. അഫ്ഗാനിസ്ഥാനിലെ ഇന്റലിജൻസ് ഏജൻസികൾ നടത്തിയ പരിശോധനയിലാണ് ഭീകരൻ പിടിയിലായത്. ഇയാൾ നിലവിൽ കാണ്ഡഹാർ ജയിലിലാണ്.
ഭീകരന്റെ അറസ്റ്റുമായി ബന്ധപ്പെട്ട തുടർ നടപടികൾ അഫ്ഗാൻ ഏജൻസികളുമായി ചർച്ചയിലാണെന്ന് ഇന്ത്യൻ ഏജൻസികൾ അറിയിച്ചു. ഇയാളുടെ ചിത്രങ്ങളുൾപ്പെടെ അഫ്ഗാൻ ഏജൻസി പുറത്തുവിട്ടിട്ടുണ്ട്. ഐഎസ് ഭീകര സംഘടനയിൽ ചേരാൻ താജിക്കിസ്ഥാൻ വഴിയാണ് ഇയാൾ അഫ്ഗാനിസ്ഥാനിലേക്കെത്തിയതെന്ന് അന്വേഷണ സംഘം കണ്ടെത്തി.
കാസർകോട് നിന്നും 21 പേരുമായി അബ്ദുൾ റാഷിദ് അബ്ദുള്ള പോയതും ഇതേ സ്ഥലത്തേക്കാണ്. സാധാരണയായി ഭീകരർ താജിക്കിസ്ഥാൻ വഴി അഫ്ഗാനിസ്ഥാനത്തിലേക്ക് കടക്കാറുണ്ട്. അത്തരത്തിൽ പോയതാണ് ഇയാളെന്നും അന്വേഷണ സംഘം സ്ഥിരീകരിച്ചിട്ടുണ്ട്.
