തണ്ണിമത്തൻ തോടും ആളൊരു കേമനാ..; വലിച്ചെറിയുന്നതിന് മുമ്പ് ഇത് അറിഞ്ഞോളൂ..

ചൂട് വർദ്ധിച്ചു വരുന്ന സാഹചര്യത്തിൽ നിർജ്ജലീകരണം സംഭവിക്കാനുള്ള സാധ്യത കൂടുതലാണ്. ഇതിനാൽ തന്നെ ഫലവർഗങ്ങൾ നമ്മുടെ ഭക്ഷണത്തിൽ ധാരാളം ഉൾപ്പെടുത്തേണ്ടതുണ്ട്. ഇതിൽ പ്രധാനപ്പെട്ട ഒരു ഫലവർഗമാണ് തണ്ണിമത്തൻ. തണ്ണിമത്തനിൽ ധാരാളം ജലാംശം അടങ്ങിയിട്ടുള്ളതിനാൽ തന്നെ നിർജ്ജലീകരണം തടയാൻ ഏറെ സഹായകമാണ്. തണ്ണിമത്തൻ കഴിക്കുമ്പോൾ ചുവന്ന ഭാഗം മാത്രം കഴിച്ച് അതിന്റെ തോട് വലിച്ചെറിയുകയാണ് ബഹുഭൂരിപക്ഷവും ചെയ്യുന്നത്. എന്നാൽ ഇനി തണ്ണിമത്തൻ തോടും വലിച്ചെറിയേണ്ട. ഇതും കഴിക്കാം.. അറിഞ്ഞോളൂ..

ധാരാളം പോഷക ഘടകങ്ങളാണ് തണ്ണിമത്തൻ തോടിൽ അടങ്ങിയിരിക്കുന്നത്. വിറ്റാമിൻ എ, വിറ്റാമിൻ സി6, വിറ്റാമിൻ സി, പൊട്ടാസ്യം തുടങ്ങിയ നിരവധി ഘടകങ്ങളാണ് ഇതിലുള്ളത്. ദഹനപ്രശ്‌നങ്ങൾ നേരിടുന്നവർ തണ്ണിമത്തന്റെ തോട് കഴിക്കുന്നത് നല്ലതാണ്. തണ്ണിമത്തന്റെ തോടിൽ നാരുകൾ അടങ്ങിയിട്ടുള്ളതിനാൽ ഇത് ദഹനപ്രശ്‌നങ്ങൾ ഒഴിവാക്കുന്നതിന് സഹായിക്കുന്നു. അച്ചാറിട്ടോ, തോരനായോ ഇത് കഴിക്കാം. വിര ശല്യം അകറ്റാനും ഹൃദ്രോഗം വരുന്നത് ഒഴിവാക്കുന്നതിനും തണ്ണിമത്തൻ തോട് കഴിക്കാം. അപ്പോൾ ഇനി തോട് വലിച്ചെറിയണോ അകത്താകണോയെന്ന് ആലോചിച്ച് ചെയ്‌തോളൂ..

ശ്രദ്ധിക്കുക: തണ്ണിമത്തന്റെ പുറം തോടിൽ കീടനാശിനികൾ അടിച്ചു വരുന്നതിനാൽ ഇവ ചെറു ചൂടുവെള്ളത്തിൽ മഞ്ഞപൊടിയും ഉപ്പും ചേർത്ത് അൽപ സമയം മുക്കി വച്ചതിന് ശേഷം മാത്രം കഴിക്കാൻ ശ്രദ്ധിക്കുക.