ശ്രീനഗർ: പ്രധാനമന്ത്രി നരേന്ദ്രമോദി കശ്മീർ സന്ദർശിക്കാനിരിക്കെ സന്തോഷം പ്രകടിപ്പിച്ച് ജെഎൻയു പൂർവ്വ വിദ്യാർത്ഥിനി ഷെഹ്‌ല റാഷിദ്. മാർച്ച് 7 നാണ് പ്രധാനമന്ത്രി ജമ്മു കശ്മീരിലെ ശ്രീനഗർ സന്ദർശിക്കുന്നത്. ശ്രീനഗറിലെ ബക്ഷി സ്റ്റേഡിയത്തിൽ ‘വിക്ഷിത് ഭാരത് വിക്ഷിത് ജമ്മു കശ്മീർ’ പരിപാടിയിൽ പങ്കെടുക്കാനും വിവിധ വികസന പദ്ധതികളുടെ ഉദ്ഘാടനത്തിനുമായാണ് അദ്ദേഹം താഴ്വരയിൽ എത്തുന്നത്. പ്രധാനമന്ത്രിയുടെ കശ്മീർ സന്ദർശനത്തിന് മണിക്കൂറുകൾ മാത്രം ബാക്കി നിൽക്കെയാണ് സ്വാഗതം നേർന്നു കൊണ്ട് ഷെഹ്‌ല റാഷിദ് രംഗത്തു വന്നത്.
“വ്യക്തിത്വം, പ്രത്യയശാസ്ത്രം, ഭാഷ, മതം തുടങ്ങിയ അതിർവരമ്പുകൾക്കപ്പുറം ജനങ്ങളെ ഒന്നിപ്പിക്കുന്നവനാണ് യഥാർത്ഥ നേതാവ്. പ്രധാനമന്ത്രി നരേന്ദ്രമോദിജി തന്റെ സത്യസന്ധത, വിനയം, ദർശനം എന്നിവയിലൂടെ പ്രദേശങ്ങൾ, വിശ്വാസങ്ങൾ, പ്രായം, ലിംഗഭേദങ്ങൾ എന്നിവയ്‌ക്കപ്പുറം എല്ലാ വിഭാഗം ജനങ്ങളെയും ഒരുമിപ്പിച്ചു. സലാം മോദിജി. ഞങ്ങളുടെ മനോഹരമായ താഴ്‌വരയിലേക്ക് സ്വാഗതം”- എന്നാണ് ഷെഹ്‌ല റാഷിദ് എക്സിൽ കുറിച്ചിരിക്കുന്നത്.
A true leader is one who unites people across barriers of identity, ideology, language, religion, etc. PM @narendramodi ji through his integrity, humility, and vision has united people across regions, faiths, age groups and genders #SalaamModiJi and welcome to our beautiful… pic.twitter.com/xFIPHcmDtW
— Shehla Rashid (@Shehla_Rashid) March 6, 2024
