കോഴിക്കോട്: അവധിക്ക് നാട്ടിലെത്തിയ സൈനികന് പോലീസ് കസ്റ്റഡിയിൽ ക്രൂര മർദ്ദനം. മേപ്പയൂർ സ്വദേശിയായ സൈനികൻ അതുലിനെയാണ് പോലീസ് ക്രൂരമായി മർദ്ദിച്ചത്. വാഹന പരിശോധനക്കിടയിൽ ബൈക്ക് നിർത്താതെ പോയെന്നാരോപിച്ചായിരുന്നു മർദ്ദനം. സ്റ്റേഷനിൽ വിളിച്ച് വരുത്തി വിലങ്ങണിയിച്ച് പോലീസ് ക്രൂരമായി മർദിച്ചുവെന്നാണ് അതുലിന്റെ പരാതി.
കസ്റ്റഡിയിലെടുത്ത് മർദ്ദിച്ച അതുലിനെ നാട്ടുകാരുടെ പ്രതിഷേധം കടുത്തതോടെ സ്റ്റേഷൻ ജാമ്യത്തിൽ വിട്ടയക്കുകയായിരുന്നു. സൈനികനെ വിദഗ്ദ്ധ ചികിത്സക്കായി കോഴിക്കോട് മെഡിക്കൽ കോളേജിൽ പ്രവേശിപ്പിച്ചു. സംഭവത്തിൽ സൈനികരുടെ സംഘടനയായ അനന്തപുരി വെൽഫയർ ആൻഡ് ചാരിറ്റി അസോസിയേഷൻ മുഖ്യമന്ത്രിക്ക് പരാതി നൽകി.
