ലണ്ടൻ: ബക്കിംഗ്ഹാം കൊട്ടാരത്തിന്റെ ഗേറ്റിലേക്ക് കാർ ഇടിച്ചുകയറ്റിയതായി റിപ്പോർട്ട്. സംഭവത്തിൽ കാർ ഡ്രൈവറെ പോലീസ് അറസ്റ്റ് ചെയ്തു. കൊട്ടാരത്തിന്റെ പ്രധാന പ്രവേശന കവാടത്തിലായിരുന്നു നാടകീയ സംഭവങ്ങൾ അരങ്ങേറിയത്. മദ്ധ്യലണ്ടനിലെ വെസ്റ്റ്മിനിസ്റ്ററിലുള്ള രാജകീയ വസതിയിൽ ശനിയാഴ്ച അർദ്ധരാത്രി 2.30നായിരുന്നു സംഭവം. ഗേറ്റിലേക്ക് കാർ ഇടിച്ചുകയറിയതിന് പിന്നാലെ വലിയൊരു ശബ്ദമുണ്ടായതായി ദൃക്സാക്ഷികൾ പറയുന്നു. സംഭവത്തിൽ ആർക്കും പരിക്കേറ്റതായി റിപ്പോർട്ടുകളില്ല. കസ്റ്റഡിയിലെടുത്തയാളെ പോലീസ് ചോദ്യം ചെയ്തുവരികയാണ്.
