ന്യൂഡൽഹി: റഷ്യൻ പ്രസിഡന്റ് തിരഞ്ഞെടുപ്പിൽ വീണ്ടും അധികാരത്തിലെത്തിയ പ്രസിഡന്റ് വ്ളാഡിമർ പുടിന് അഭിനന്ദനങ്ങൾ അറിയിച്ച് പ്രധാനമന്ത്രി നരേന്ദ്രമോദി. എക്സിലൂടെയാണ് പ്രധാനമന്ത്രി ആശംസകൾ അറിയിച്ചത്.
വരും വർഷങ്ങളിലും ഭാരതവും റഷ്യയും തമ്മിലുള്ള ഉഭയകക്ഷി ബന്ധം കൂടുതൽ ശക്തമാക്കാൻ ആഗ്രഹിക്കുന്നുവെന്ന് പ്രധാനമന്ത്രി എക്സിൽ കുറിച്ചു. ഇന്ന് റഷ്യയിൽ നടന്ന പ്രസിഡൻ്റ് തിരഞ്ഞെടുപ്പിൽ ഭൂരിപക്ഷം നേടിയാണ് വ്ളാഡിമിർ പുടിൻ പ്രസിഡന്റായി തിരഞ്ഞെടുക്കപ്പെട്ടത്. 87.17 ശതമാനം വോട്ടുകളാണ് പുടിൻ നേടിയത്.
Warm congratulations to H.E. Mr. Vladimir Putin on his re-election as the President of the Russian Federation. Look forward to working together to further strengthen the time-tested Special & Privileged Strategic Partnership between India and Russia in the years to come.…
— Narendra Modi (@narendramodi) March 18, 2024
കമ്യൂണിസ്റ്റ് പാർട്ടി ഓഫ് റഷ്യൻ ഫെഡറേഷൻ പാർട്ടിയിലെ സ്ഥാനാർത്ഥിയായ നിക്കോളായ് ഖാരിറ്റോനോവ് 4.1 ശതമാനം വോട്ടുകൾ നേടി രണ്ടാം സ്ഥാനത്തെത്തിയപ്പോൾ ന്യൂ പീപ്പിൾ പാർട്ടി സ്ഥാനാർത്ഥിയായ വ്ലാഡിസ്ലാവ് ദവൻകോവ് 4.8 ശതമാനം വോട്ടുകൾ നേടി മൂന്നാം സ്ഥാനത്തെത്തി. 3.15 ശതമാനം വോട്ടുകൾ മാത്രമാണ് ലിബറൽ ഡെമോക്രാറ്റിക് പാർട്ടി ഓഫ് റഷ്യ പാർട്ടി സ്ഥാനാർത്ഥിയായ ലിയോനിഡ് സ്ലട്ട്സ്കിയ്ക്ക് ലഭിച്ചത്.