അണ്ടിപ്പരിപ്പ് ലഘുഭക്ഷണത്തിനായി മാത്രമല്ല പലതരം വിഭവങ്ങളുടെ രുചി വർദ്ധിപ്പിക്കാനും ഉപയോഗിക്കുന്നു. അവ നമ്മുടെ ഭക്ഷണങ്ങളിൽ മണ്ണിന്റെ രുചി ചേർക്കുന്നു. ആസ്വാദ്യകരമായ രുചികൾ പ്രദാനം ചെയ്യുന്നതോടൊപ്പം പോഷക സമൃദ്ധവുമാണ് അണ്ടിപ്പരിപ്പ്. നാരുകളും പോഷക സമൃദ്ധവുമായ അണ്ടിപ്പരിപ്പ് ഭക്ഷണത്തോടൊപ്പം ചേർക്കുന്നത് അവയെ പോഷക സമൃദ്ധമാക്കാനുള്ള മികച്ച മാർഗ്ഗമാണ് . എന്നാൽ അണ്ടിപ്പരിപ്പ് വിഭവങ്ങളിൽ ഉപയോഗിക്കുമ്പോൾ നമ്മൾ ശ്രദ്ധിക്കേണ്ട ചില കാര്യങ്ങൾ ഉണ്ട്. അവ ഏതൊക്കെയാണെന്ന് നോക്കിയാലോ.
അമിതമായി ചൂടാക്കരുത് :-
അണ്ടിപ്പരിപ്പ് ചൂടാക്കാതെ കഴിച്ചാലും നല്ല രുചി നൽകുമെങ്കിലും വറുത്ത് കഴിക്കുമ്പോൾ അവയുടെ രുചി പിന്നെയും കൂടുന്നു. ഇത് മണ്ണിന്റെ രുചി നൽകാൻ സഹായിക്കുന്നു. എന്നാൽ അമിതമായി ചൂടാക്കുന്നത് അവയെ കയ്പുള്ളതാക്കുകയും അസുഖകരമായ ഗന്ധത്തിന് ഇടയാക്കുകയും ചെയ്യും.
പഴകിയ അണ്ടിപ്പരിപ്പ് ഉപയോഗിക്കരുത് :-
അടുക്കളയിലെ അലമാരയിൽ ദീർഘനാൾ ഇരിക്കുന്ന ഒരു വിഭവമാണ് അണ്ടിപ്പരിപ്പ്. എന്നാൽ അവ എല്ലാ കാലത്തും അത്തരത്തിൽ സൂക്ഷിക്കാൻ സാധിക്കില്ല. കുറച്ചു ദിവസം കഴിയുമ്പോൾ അവയുടെ നില മോശമാകുന്നു. എല്ലായെപ്പോഴും അണ്ടിപ്പരിപ്പ് പുതിയതാണെന്ന് ഉറപ്പവരുത്തുക. കാലാവധി നോക്കിയോ അല്ലെങ്കിൽ രുചി നോക്കിയോ പഴകിപ്പോയില്ല എന്ന ഉറപ്പ് വരുത്തി ഉപയോഗിക്കാൻ ശ്രദ്ധിക്കുക
ഉപ്പിട്ട അണ്ടിപ്പരിപ്പ് ഉപയോഗിക്കരുത്:-
അണ്ടിപ്പരിപ്പിന്റെ സ്വാഭാവിക രുചി നഷ്ടപ്പെടുത്താൻ ഉപ്പിന്റെ സാന്നിദ്ധ്യം കാരണമാകും. ഇതിനു പുറമേ ഭക്ഷണത്തിൽ ഉപ്പിന്റെ അളവ് കൂട്ടാനും കാരണമാകും.
പലതരം പരിപ്പുകൾ ഒരുമിച്ച് വറുക്കരുത് :-
വിവിധതരം അണ്ടിപ്പരിപ്പ് ഒരുമിച്ച് വറുത്തെടുക്കുന്നു . ഇതും സാധാരണ കണ്ടു വരുന്ന ഒരു പിഴവാണ് ഇങ്ങനെ ചെയ്താൽ അണ്ടി പരിപ്പുകളുടെ സ്വാഭാവിക നഷ്ടമാക്കും. ഇവയിലെ പൂരിത കൊഴുപ്പുകളുടെ സാന്നിദ്ധ്യവും സുഗന്ധവും വ്യത്യസ്തമാണ്.
കുതിർക്കാതെ ഉപയോഗിക്കുന്നത് :-
പലപ്പോഴും അണ്ടിപ്പരിപ്പ് കുതിർക്കാതെയാണ് ഉപയോഗിക്കുന്നത് കണ്ടിട്ടുള്ളത്. ഇങ്ങനെ ചെയ്യുന്നത് ഭക്ഷണ സാധനങ്ങളുടെ രുചികുറയുന്നതിന് കാരണമാകും. അതുകൊണ്ട് 30 മിനിറ്റെങ്കിലും കുതിർത്തശേഷം മാത്രമേ ഉപയോഗിക്കാവു.