റിലീസിനൊരുങ്ങുന്ന ഏറ്റവും പുതിയ അല്ലു അർജ്ജുൻ ചിത്രമാണ് പുഷ്പ2. ആദ്യഭാഗത്തിന്റെ അതേ ആവേശമാണ് രണ്ടാം ഭാഗത്തിനും ആരാധകർ നൽകിയിരിക്കുന്നത്. സിനിമയുടെ അവസാനഘട്ട ചിത്രീകരണം വിശാഖപട്ടണത്ത് പുരോഗമിക്കുകയാണ്. ഇപ്പോഴിതാ സിനിമയുടെ ചിത്രീകരണത്തിനിടെയുള്ള ഒരു ദൃശ്യം പുറത്തുവന്നിരിക്കുകയാണ്. നടി രശ്മിക മന്ദാനയുടെ ചിത്രങ്ങൾ ചോർന്നതാണ് അണിയറ പ്രവർത്തകർക്ക് തലവേദനയായത്.
Wooohoooooo
Here is Srivalli’s 1st lookNow the excitement to watch this film has increased further.
Teri Jhalak Asharfi @iamRashmika 🔥❤️#RashmikaMandanna ❤️pic.twitter.com/EsZEfMcXkS
— Rashmika Delhi Fans (@Rashmikadelhifc) March 19, 2024
ആദ്യ ഭാഗത്തെ അപേക്ഷിച്ച് രണ്ടാം ഭാഗത്തിന്റെ ചിത്രീകരണം വളരെ അധികം രഹസ്യമായാണ് നടക്കുന്നത്. ചിത്രീകരണ വേളയിലുള്ള അല്ലു അർജ്ജുന്റെ രണ്ട് ചിത്രങ്ങൾ നേരത്തെ പുറത്തുവന്നിരുന്നു. ഈ സംഭവങ്ങളിൽ അല്ലു അർജ്ജുൻ അണിയറ പ്രവർത്തകരോട് വലിയ അതൃപതി അറിയിച്ചിരുന്നു. പുതിയ സംഭവത്തിൽ സെറ്റിലെ സുരക്ഷ സംബന്ധിച്ച് അല്ലു അതൃപ്തി അറിയിച്ചെന്നും അണിയറ പ്രവർത്തകരെ ശാസിച്ചെന്നുമാണ് റിപ്പോർട്ടുകൾ.
ആഗസ്റ്റ് 15 നാണ് ചിത്രം പ്രദർശനത്തിനെത്തുന്നത്. സുകുമാർ ആണ് ചിത്രം സംവിധാനം ചെയ്യുന്നത്. ഫഹദ് ഫാസിലും ശ്രദ്ധേയമായ വേഷത്തിലാണ് എത്തുന്നത്. ഫഹദ് ഫാസിലടക്കമുള്ള താരങ്ങളുടെ ചിത്രീകരണം പൂർത്തിയായെന്ന വാർത്തകൾ ഇതിനോടകം പുറത്തുവന്നിരുന്നു. ചിത്രത്തിൽ വില്ലനായാണ് ഫഹദ് ഫാസിലിന്റെ വരവ്. പുഷ്പ 2 നിർമ്മിക്കുന്നത് മൈത്രി മൂവി മേക്കേഴ്സാണ്. ചിത്രത്തിന്റെ സംഗീതസംവിധാനം നിർവഹിക്കുന്നത് ദേവിശ്രീപ്രസാദാണ്.