കേപ്ടൗൺ: ദക്ഷിണാഫ്രിക്കയിൽ ബസ് മലയിടുക്കിലേക്ക് വീണ് 45 പേർക്ക് ദാരുണാന്ത്യം. ബസിലുണ്ടായിരുന്ന 8 വയസുള്ള കുട്ടി അത്ഭുതകരമായി രക്ഷപ്പെട്ടു. കുട്ടിയെ പരിക്കുകളോടെ ആശുപത്രിയിൽ പ്രവേശിപ്പിച്ചു.പള്ളിയിൽ ഈസ്റ്ററിനോടനുബന്ധിച്ചുള്ള പ്രാർത്ഥനകൾക്കായി ഗബൊറോണിൽ നിന്ന് എത്തിയവരാണ് അപകടത്തിൽപ്പെട്ടത്.
മൊറിയ നഗരത്തിന് സമീപം എത്തിയപ്പോൾ ബസ് നിയന്ത്രണം വിടുകയും പാലത്തിന്റെ കൈവരിയിൽ തട്ടി അഗാധമായ താഴ്ചയിലേക്ക് വീഴുകയുമായിരുന്നു. ഇതോടെ ബസിൽ തീപടർന്നു. മൃതദേഹങ്ങൾക്കായുള്ള തെരച്ചിൽ നടന്നുകൊണ്ടിരിക്കുകയാണ്.