മഹാരാഷ്ട്രയിലെ രത്നഗിരി-നാഗ്പൂർ ഹൈവേയിൽ സംഗ്ലി ജില്ലയിലെ ട്രക്ക് ട്രാക്ടറിലേക്ക് പാഞ്ഞു കയറിയുണ്ടായ അപകടത്തിൽ നാലുപേർ മരിച്ചു. എട്ടുപേർക്ക് ഗുരുതരമായി പരിക്കേറ്റു. നാലുപേരും തത്ക്ഷണം മരിക്കുകയായിരുന്നു.മരിച്ചവരിൽ രണ്ട് സ്ത്രീകളും ഒരു പുരുഷനും പ്രായപൂർത്തിയാകാത്ത പെൺകുട്ടിയുമുണ്ട്.
പരിക്കേറ്റവരെ മിറാജിലെ സർക്കാർ ആശുപത്രിയിൽ പ്രവേശിപ്പിച്ചു.കരിമ്പ് കർഷകർ ജോലി കഴിഞ്ഞ് വീട്ടിലേക്ക് മടങ്ങുന്നതിനിടെയാണ് അപകടമുണ്ടായത്. അഗൽഗാവ് ഫാന്റയിലായിരുന്നു സംഭവം. അമിത വേഗതയിലായിരുന്ന ട്രക്ക് നിയന്ത്രണം നഷ്ടമായി കർഷകർ ഇരുന്ന ട്രാക്ടറിലേക്ക് പാഞ്ഞു കയറുകയായിരുന്നു.
24 മണിക്കൂറിനിടെ ഉണ്ടാകുന്ന രണ്ടാമത്തെ വലിയ അപകടമായിരുന്നുയിത്. ഡൽഹി രാജ്പൂരിലുണ്ടായ ദാരുണാപകടത്തിന്റെ വീഡിയോ സോഷ്യൽ മീഡിയയിൽ പ്രചരിച്ചിരുന്നു. വഴിയോര കടയിലിരുന്ന് കച്ചോരി കഴിച്ചുകൊണ്ടിരുന്നവർക്കിടയിലേക്ക് കാർ പാഞ്ഞു കയറുകയായിരുന്നു. ഇടിയുടെ ആഘാതത്തിൽ പലരും റോഡിലേക്ക് തെറിച്ചു വീണ് ഗുരുതരമായി പരിക്കേറ്റു.
