ഗൊരഖ്പൂർ: വിവാഹേതര ബന്ധത്തെക്കുറിച്ച് ഭർത്താവ് അറിഞ്ഞ മനോവിഷമത്തിൽ വൈദ്യുത പോസ്റ്റിൽ കയറി ഭാര്യയുടെ ആത്മഹത്യാ ഭീഷണി. വിവാഹം കഴിഞ്ഞ് മൂന്ന് കുട്ടികളുള്ള 34-കാരിയാണ് വിവാഹേതര ബന്ധത്തിൽ അകപ്പെട്ട് ഒടുവിൽ വെട്ടിലായത്. യുപിയിലെ ഗൊരഖ്പൂരിലെ പിപ്രായ്ച്ചിലാണ് സംഭവം. യുവതി വൈദ്യുത പോസ്റ്റിൽ കയറി ഭീഷണിപ്പെടുത്തുന്നതിന്റെ വീഡിയോ ദൃശ്യങ്ങൾ പുറത്തുവന്നിട്ടുണ്ട്. വീഡിയോ സോഷ്യൽ മീഡിയയിൽ വൈറലാണ്.
For a change this time its not a Husband who climbed to an electric Pole but instead its the wife. In Gorakhpur, UP a Mother of three fall in love with a Man and asked her husband to allow her lover to stay in the same house. When the husband refused she climbed to an electric… pic.twitter.com/MJA7yfFAm2
— NCMIndia Council For Men Affairs (@NCMIndiaa) April 3, 2024
കഴിഞ്ഞ ഏഴ് വർഷമായി അയൽഗ്രാമത്തിലെ യുവാവുമായി അടുപ്പത്തിലായിരുന്നു യുവതി. ഇക്കാര്യം ഭർത്താവ് അറിയാനിടയായി. തുടർന്ന് ഇരുവരും വാക്കുതർക്കത്തിലാവുകയും ചെയ്തു. വീട്ടിലെ ചെലവുകൾക്കും മറ്റ് സാമ്പത്തിക ആവശ്യങ്ങൾക്കും പണം നൽകിയത് കാമുകനാണെന്നായിരുന്നു യുവതിയുടെ വാദം. എന്നാൽ ഇതുകേട്ട് പ്രകോപിതനായ ഭർത്താവ് യുവതിയെ വീണ്ടും വഴക്കുപറഞ്ഞു. ഇതിന് പിന്നാലെയാണ് ആത്മഹത്യ ചെയ്യാൻ യുവതി സമീപത്തെ വൈദ്യുതി പോസ്റ്റിൽ വലിഞ്ഞുകയറിയത്.
തുടർന്ന് പ്രദേശവാസികളും പഞ്ചായത്ത് അധികൃതരും സ്ഥലത്തെത്തി പോലീസിനെ വിവരമറിയിക്കുകയായിരുന്നു. നീണ്ടനേരത്തെ പരിശ്രമത്തിനൊടുവിൽ യുവതിയെ പോലീസ് താഴെയിറക്കി.
