മുംബൈ: മോദി സർക്കാരിനെ അഭിനന്ദിച്ച് മഹാരാഷ്ട്ര മുഖ്യമന്ത്രി ഏക്നാഥ് ഷിൻഡെ. ഇത് ജനങ്ങളുടെ സർക്കാരാണെന്നും അതിനാൽ ജനങ്ങൾ പ്രധാനമന്ത്രി നരേന്ദ്രമോദിയോടൊപ്പം നിൽക്കുമെന്നും ഏക്നാഥ് ഷിൻഡെ പറഞ്ഞു. മാദ്ധ്യമപ്രവർത്തകരോട് സംസാരിക്കവെയാണ് അദ്ദേഹം ഇക്കാര്യം വ്യക്തമാക്കിയത്.
ഉദ്ധവ് താക്കറെ വിഭാഗം നേതാക്കളായ ബബൻറാവു ഗോലാപ്പും സഞ്ജയ് പവാറും മറ്റ് പ്രവർത്തകരും ഇന്ന് ശിവസേനയിൽ ചേർന്നു. മുഖ്യമന്ത്രിയും ശിവസേന അദ്ധ്യക്ഷനുമായ ഏക്നാഥ് ഷിൻഡെയുടെ സാന്നിധ്യത്തിലായിരുന്നു നേതാക്കൾ ശിവസേന അംഗത്വം സ്വീകരിച്ചത്.
വരുന്ന ലോക്സഭാ തെരഞ്ഞെടുപ്പിൽ ഷിൻഡെയുടെ മകനും ശിവസേന എംപിയുമായ ശ്രീകാന്ത് ഷിൻഡെ കല്യാണിൽ മത്സരിക്കുമെന്ന് മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്നാവിസ് കഴിഞ്ഞ ദിവസം പ്രഖ്യാപിച്ചിരുന്നു. ഏപ്രിൽ 19, ഏപ്രിൽ 26, മെയ് 7, 13, 20 തീയതികളിലായി അഞ്ച് ഘട്ടങ്ങളായാണ് മഹാരാഷ്ട്രയിൽ തെരഞ്ഞെടുപ്പ് നടക്കുന്നത്.