തിരുവനന്തപുരം: സംസ്ഥാനത്ത് വൈദ്യുതി ഉപയോഗം വീണ്ടും സർവകാല റെക്കോർഡിൽ. ഇന്നലത്തെ ആകെ ഉപയോഗം 108.23 ദശലക്ഷം യൂണിറ്റാണ്. വൈകിട്ട് ആറു മുതൽ രാത്രി 10 വരെയുള്ള പീക്ക് ടൈമിലെ വൈദ്യുതി ഉപയോഗവും റെക്കോർഡിലാണ്. 5,364 മെഗാ വാട്ട് വൈദ്യുതിയാണ് പീക്ക് ടൈമിൽ ഇന്നലെ ഉപയോഗിച്ചത്. വെള്ളിയാഴ്ച മൂന്ന് യൂണിറ്റ് കുറവ് രേഖപ്പെടുത്തിയെങ്കിലും വൈദ്യുതി ഉപയോഗം കുത്തനെ കൂടുകയായിരുന്നു. പ്രതിദിനം 100 ദശലക്ഷം യൂണിറ്റിന് മുകളിലാണ് സംസ്ഥാനത്തെ നിലവിലെ വൈദ്യുത ഉപയോഗം.
സംസ്ഥാനത്തെ പ്രത്യേക സാഹചര്യം കണക്കിലെടുത്ത് ഉപഭോക്താക്കൾ ഉപയോഗത്തിൽ നിയന്ത്രണം ഏർപ്പെടുത്തണമെന്നാണ് കെഎസ്ഇബിയുടെ നിർദേശം.
