തിരുവനന്തപുരം : ‘കേരള സ്റ്റോറി’ സിനിമയ്ക്കെതിരെ പാളയം ഇമാം വി പി ഷുഹൈബ് മൗലവി. സിനിമയിലുള്ളത് പൂർണമായും വസ്തുതാ വിരുദ്ധമായ കാര്യമാണെന്ന് ഷുഹൈബ് മൗലവി പറഞ്ഞു. സിനിമ പ്രചരിപ്പിക്കുന്നവർ കള്ളം പ്രചരിപ്പിക്കുന്നവരുടെ ഉപകരണമായി മാറരുത് .
പലസ്തീനോട് ഐക്യദാർഢ്യപ്പെടാൻ കഴിയുന്നില്ലെങ്കിൽ പെരുന്നാളിന് അർത്ഥമില്ല . പലസ്തീനൊപ്പം നിൽക്കുക എന്നാൽ മനുഷ്യത്വത്തിന് ഒപ്പം നിൽക്കലാണ്. ഇസ്രായേലിനൊപ്പം നിൽക്കുക എന്നാൽ പിശാചുക്കൾക്കൊപ്പം നിൽക്കലാണെന്നും ഷുഹൈബ് മൗലവി പറഞ്ഞു.
അതേസമയം ലൗ ജിഹാദ് ഇല്ലെന്നാണ് കേരള നദ്വത്തുല് മുജാഹിദ്ദീന് വൈസ് പ്രസിഡന്റ് ഹുസൈന് മടവൂര് പറഞ്ഞത് . മത സൗഹാർദ്ദം തകർക്കുന്ന രീതിയിൽ തയ്യാറാക്കിയ കേരള സ്റ്റോറി സിനിമ ജനങ്ങൾ അംഗീകരിക്കില്ല . അങ്ങനെ മതത്തിലേക്ക് ഒരാളും വരേണ്ടതില്ലെന്നും ഹുസൈന് മടവൂര് പറഞ്ഞു.