കൊറിയൻ സിനിമകളിലെ സൂപ്പർ സ്റ്റാർ മാ ഡോങ് സിയോക്ക് എന്ന ഡോൺ ലീ വിവാഹിതനായെന്ന് റിപ്പോർട്ടുകൾ. 2021 ൽ ഇദ്ദേഹത്തിന്റെ വിവാഹം രജിസ്റ്റർ ചെയ്തിരുന്നുവെന്നാണ് വിവരം. ഉടനെ സുഹൃത്തുക്കളുടെയും ബന്ധുക്കളുടെയും സാന്നിദ്ധ്യത്തിൽ ഇരുവരും ഓദ്യോഗികമായി ചടങ്ങ് നടത്തും.
മാദ്ധ്യമപ്രവർ‌ത്തകയും ഫിറ്റ്നസ് ട്രെയിനറുമായ യെ ജുങ്-ഹ്വയെ ആണ് വധു. താരത്തിനെക്കാളും 17 വയസ് കുറവാണ് യെ ജുങിന്. ഇവർ 2016 മുതൽ ഡേറ്റിംഗ് ആരംഭിച്ചിരുന്നതായാണ് റിപ്പോർട്ടുകൾ. ബിഗ് പഞ്ച് എന്റർറ്റൈൻമെൻ് എന്ന ഏജൻസി വഴിയാണ് ഇരുവരും പരിചയപ്പെട്ടത്.
കൊറിയയുടെ ഏറ്റവും സുന്ദരിയായ ഫിറ്റ്നസ് ട്രെയിനർ എന്ന അറിയപ്പെടുന്ന യെ ജുങിന് 34 വയസാണ്. ഇൻസ്റ്റഗ്രാമിൽ ഡോൺ ലീ പിന്തുടരുന്ന രണ്ട് അക്കൗണ്ടുകളിൽ ഒന്ന് ഫിറ്റ്നസ് ട്രെയിനറിന്റേതാണ്. ഗാങ്സറ്റർ കോപ്പ് ആൻഡ് ദ് ഡെവിൾ റൗണ്ടപ്പ്, ഔട്ട് ലോസ്, ട്രെയിൻ ടു ബുസാൻ തുടങ്ങിയ സിനിമകളിലൂടെ മലയാളികൾക്കിടയിലും പ്രശസ്തനാണ് ഡോൺ ലീ
