രജനികാന്തിനെ നായകനാക്കി ലോകേഷ് കനകരാജ് സംവിധാനം ചെയ്യുന്ന ചിത്രമാണ് തലൈവർ 171. ചിത്രത്തിൽ രജനികാന്ത് വാങ്ങുന്ന പ്രതിഫലത്തെ കുറിച്ചാണ് ഇപ്പോൾ സമൂഹമാദ്ധ്യമങ്ങൾ ചർച്ച ചെയ്യുന്നത്. വൻ തുകയാണ് ചിത്രത്തിന് വേണ്ടി രജനികാന്ത് വാങ്ങുന്നത്. 280 കോടി രൂപയാണ് രജനികാന്ത് ചിത്രത്തിന് പ്രതിഫലമായി വാങ്ങുന്നതെന്നാണ് പുറത്തുവരുന്ന വിവരം.
രാജ്യത്ത് ഏറ്റവും കൂടുതൽ പ്രതിഫലം വാങ്ങുന്നവരുടെ പട്ടികയിൽ രജനികാന്ത് ഒന്നാമതെത്തുമെന്നാണ് റിപ്പോർട്ടുകൾ. രാഘവ ലോറൻസ്, പൃഥ്വിരാജ് എന്നിവരെ കൂടാതെ മറ്റ് പാൻ ഇന്ത്യൻ താരങ്ങളും ചിത്രത്തിൽ എത്തുന്നുണ്ട്. വൻ മുതൽ മുടക്കിൽ സൺ പിക്ചേഴ്സ് ആണ് ചിത്രം നിർമിക്കുന്നത്.
സിംഗപ്പൂര്, ദുബായ്, യുഎസ്എ തുടങ്ങിയ രാജ്യങ്ങളില് നിന്ന് ഇന്ത്യയിലേക്കുള്ള സ്വര്ണക്കള്ളക്കടത്താണ് ചിത്രത്തിന്റെ പ്രമേയം. തലൈവർ 171-ന്റെ പ്രീപ്രൊഡക്ഷൻ ജോലികൾ പുരോഗമിക്കുകയാണ്. ഈ മാസം ഷൂട്ടിംഗ് ആരംഭിക്കുമെന്നാണ് പുറത്തുവരുന്ന വിവരം.