സൂര്യകുമാറിന് ഡിആർഎസ് വിളിക്കാൻ ഡ​ഗൗട്ടിൽ നിന്ന് സഹായം; സാം കറന്റെ പരാതിക്ക് പുല്ലുവില; മുംബൈക്കായി കണ്ണടച്ച് അമ്പയർ?

പഞ്ചാബ് കിം​ഗ്സിനെതിരായ മത്സരത്തിൽ മുംബൈ ഇന്ത്യൻസിന് വേണ്ടി അമ്പയർ വഴിവിട്ട സഹായം ചെയ്തെന്ന് പരാതി. ഡിആർഎസ് വിളിക്കാൻ ഡക്കൗട്ടിൽ നിന്ന് സഹായം ലഭിച്ച കാര്യം പഞ്ചാബ് ക്യാപ്റ്റൻ ചൂണ്ടിക്കാട്ടിയിട്ടും അമ്പയർ ഇതിൽ ഇടപെടാതെ ഡി.ആർ.എസ് അപ്പീൽ അം​ഗീകരിച്ചെന്നാണ് ആരോപണം.

സൂര്യകുമാർ യാദവിനോട് ഡി.ആർ.എസ് എടുക്കാൻ ആവശ്യപ്പെട്ടത് ഡക്കൗട്ടിലുണ്ടായിരുന്ന ടിം ഡേവിഡായിരുന്നു. ഇതിന്റെ വീഡിയോ വൈറലായതിന് പിന്നാലെയാണ് വിമർശനം ശക്തമായത്. മത്സരത്തിന്റെ 15-ാം ഓവറിലായിരുന്നു സംഭവം. ഓഫ് സ്റ്റമ്പിന് പുറത്തു വന്ന പന്ത് അമ്പയർ വൈഡ് വിളിച്ചില്ല.

ഡി.ആർ.എസ് എടുക്കാതെ മടിച്ചു നിന്ന സൂര്യകുമാർ യാദവ് ഡ​ഗൗട്ടിലേക്ക് നോക്കുന്നതും ടിം ഡേവിഡ് ഡിആർഎസ് എടുക്കാൻ പറയുന്നതും വീഡിയോയിൽ വ്യക്തമാണ്. ആം​ഗ്യം കാണിച്ചുകൊണ്ടാണ് ടീം ഡേവിഡ് സൂര്യയെ സഹായിച്ചത്. ഇത് കണ്ട സാം കറൻ അമ്പയറോട് പരാതിപ്പെട്ടെങ്കിലും ഇത് ​ഗൗനിക്കാതെ മുംബൈയുടെ ഡിആർഎസ് അപ്പീൽ അം​ഗീകരിക്കുകയും റിപ്ലെയിൽ വൈഡാണെന്ന് വിധിക്കുകയും ചെയ്തു.അമ്പയർമാർ മനഃപൂർവ്വം മുംബൈയെ സഹായിച്ചെന്നാണ് ആക്ഷേപം.

For anyone watching this after the copyright claim against me, here is the timeline of the cheating with pictures:
0:08 Umpire doesnt give a wide
0:16 Tim David, Boucher, Pollard see replay
0:21 they signal team to take DRS
0:31 Sam Curran protesting pic.twitter.com/u20GUBRjBw

— Ashish Sangai (@AshishFunguy) April 18, 2024

“>