ന്യൂഡൽഹി: ലോകത്തിലെ ഏറ്റവും ഉയരം കൂടിയ യുദ്ധഭൂമിയായ സിയാച്ചിൻ സന്ദർശിച്ച് പ്രതിരോധ മന്ത്രി രാജ്നാഥ് സിംഗ്. ഭാരതത്തിന്റെ വീര്യതയുടെയും ധീരതയുടെയും തലസ്ഥാനമാണ് സിയാച്ചിനെന്ന് സൈനികരെ അഭിസംബോധന ചെയ്ത്കൊണ്ട് അദ്ദേഹം പറഞ്ഞു. ഭാരത് മാതാ കീ ജയ് വിളികളോടെയാണ് പ്രതിരോധ മന്ത്രിയെ സൈനികർ സിയാച്ചിനിലേക്ക് വരവേറ്റത്.
ലഡാക്കിലെ സിയാച്ചിൻ ഗ്ലേസിയറിലെ കുമാർ പോസ്റ്റിൽ എത്തിയ അദ്ദേഹം, ഓരോ സൈനികരോടും കുശലാന്വേഷണം നടത്തി മധുരം കൈമാറുകയും ചെയ്തു. തീവ്രമായ കാലാവസ്ഥയിലും കഠിനമായ ഭൂപ്രകൃതിയിലും ധീരതയോടും നിശ്ചയദാർഢ്യത്തോടും കൂടി രാജ്യത്തെ സംരക്ഷിച്ചതിന് സൈനികർക്ക് നന്ദി പറഞ്ഞ് കൊണ്ടാണ് അദ്ദേഹം പ്രസംഗം ആരംഭിച്ചത്.
#WATCH | Defence Minister Rajnath Singh interacts with the Armed Forces personnel deployed in Siachen, Ladakh.
Among the personnel is Captain Suman who is going to be deployed at Kumar Post of Siachen Glacier on 1st May. pic.twitter.com/MTZTHOmg3N
— ANI (@ANI) April 22, 2024
മഞ്ഞുമൂടിയ സിയാച്ചിലെ സൈനികരുടെ ധീരതയും നിശ്ചയാദാർഢ്യവും ഭാവി തലമുറകൾക്ക് എന്നും പ്രചോദനമാണെന്ന് രാജ്നാഥ് സിംഗ് ചൂണ്ടിക്കാട്ടി. സിയാച്ചിൻ ഒരു സാധാരണ ഭൂമിയല്ല, അത് രാജ്യത്തിന്റെ പരമാധികാരത്തിന്റെയും സ്ഥിരോത്സാഹത്തിന്റെയും പ്രതീകമാണ്. അത് നമ്മുടെ ദേശീയതയെ പ്രതിനിധീകരിക്കുന്നു. ഡൽഹി നമ്മുടെ ദേശീയ തലസ്ഥാനമാണ്, മുംബൈ നമ്മുടെ സാമ്പത്തിക തലസ്ഥാനമാണ്, അതുപോലെ ഭാരതത്തിന്റെ ധീരതയുടെയും വീര്യതയുടെയും തലസ്ഥാനമാണ് സിയാച്ചിൻ , മന്ത്രി പറഞ്ഞു.
കരസേന മേധാവി മനോജ് പാണ്ഡെ, നോർത്തേൺ കമാൻഡ് ലെഫ്റ്റനൻ്റ് ജനറൽ എംവി സുചീന്ദ്ര കുമാർ എന്നിവരും പ്രതിരോധ മന്ത്രിയെ അനുഗമിച്ചു. സിയാച്ചിനിലെ സൈനികരുടെ ക്ഷേമത്തെ കുറിച്ചും വെല്ലുവിളികളെ കുറിച്ചും പ്രതിരോധ മന്ത്രി കമാൻഡർമാരുമായി ചർച്ച ചെയ്തു. ബേസ് ക്യാമ്പിലെ യുദ്ധസ്മാരകത്തിൽ പുഷ്പചക്രം അർപ്പിച്ച ശേഷമാണ് പ്രതിരോധ മന്ത്രി മടങ്ങിയത്.
#WATCH | Ladakh: Addressing the troops at Siachen Base Camp, Defence Minister Rajnath Singh says, “I congratulate you for the way you protect the country at the world’s highest battlefield, Siachen glacier. The land of Siachen is not an ordinary land. It is a symbol of the… pic.twitter.com/5V9UrQrieG
— ANI (@ANI) April 22, 2024
ഓപ്പറേഷൻ മേഘദൂതിന്റെ വിജയത്തിന്റെ 40-ാം വാർഷികം ഏപ്രിൽ 13 നണ് രാജ്യം ആഘോഷിച്ചത്. ഓപ്പറേഷനെ രാജ്യത്തിന്റെ സൈനിക ചരിത്രത്തിലെ സുവർണ അധ്യായമെന്നാണ് രാജ്നാഥ് സിംഗ് വിശേഷിപ്പിച്ചത്.
ഹിമാലയത്തിന്റെ കിഴക്കൻ കാരക്കോറം പർവതനിരകളിലാണ് സിയാച്ചിൻ സ്ഥിതി ചെയ്യുന്നത്. സമുദ്രനിരപ്പിൽ നിന്ന് ഏകദേശം 20,000 അടി ഉയരത്തിലാണ് ഇതിന്റെ സ്ഥാനം.
ലോകത്തിലെ ഏറ്റവും ഉയർന്ന സൈനിക സാന്നിദ്ധ്യമുള്ള മേഖലയാണിത്.