തിരുവനന്തപുരം: സേവനത്തിന്റെ ഉദാത്ത മാതൃകയായി ദമ്പതികൾ.
വെള്ളനാട് പഞ്ചായത്തിൽ ഉറിയാക്കോട് നെടിയവിള ഭക്തിവിലാസത്തിൽ മണിയും ഓമനയുമാണ് 27 സെന്റ് സ്ഥലവും കോൺക്രീറ്റ് വീടും അടങ്ങുന്ന സ്വത്തുക്കൾ സേവാഭാരതി വെള്ളനാടിന് ദാനമായി നൽകിയത്. വെള്ളനാട് സബ് രജിസ്റ്റർ ഓഫീസിൽ എത്തി സ്വത്ത് ദാനത്തിന്റെ നടപടിക്രമങ്ങൾ ദമ്പതികൾ പൂർത്തീകരിച്ചു.
വീട് സ്വത്തും ദമ്പതികൾ ഇഷ്ടദാനം നൽകിയ വിവരം
ദേശീയ സേവാഭാരതി കേരളത്തിന്റെ ഫേസ്ബുക്ക് പേജിൽ പങ്കുവെച്ചിട്ടുണ്ട്. ഭാരതീയ പാരമ്പര്യത്തിൽ, ദാനം ഒരു പുണ്യമായാണ് കണക്കാക്കപ്പെടുന്നത്. ഈ തത്വത്തിൽ അടിയുറച്ച് വിശ്വസിക്കുന്നവരാണ് മണിയും ഓമനയും.
നിർധനരായ ജനങ്ങൾക്ക് താങ്ങായി നിൽക്കുന്ന സേവാഭാരതിക്ക്, സമ്പാദ്യത്തിന്റെ ഒരു നല്ല ഭാഗം ദാനം ചെയ്ത ത്യാഗത്തിന്റെ പ്രതീകങ്ങളായ മാതൃകാ ദമ്പതിമാർക്ക് എല്ലാവിധ ആശംസകളും നേരുന്നതായി ദേശീയ സേവാഭാരതി ഫേസ്ബുക്കിൽ കുറിച്ചു
