ആവേശം തീയേറ്ററുകളിൽ തീർത്ത ‘ആവേശം’ ഇനിയും കെട്ടടങ്ങിയിട്ടില്ല. രംഗണ്ണനായി ഫഹദ് ആവേശത്തിൽ നിറഞ്ഞാടിയപ്പോൾ ചിരിയുടെ മാലപ്പടക്കമായിരുന്നു ഓരോ തീയേറ്ററിലും പൊട്ടിയത്. 100 കോടി ക്ലബിൽ ഇടംപിടിച്ച് ആവേശം പ്രദർശനം തുടരുമ്പോൾ അടുത്ത ചിത്രത്തിനായുള്ള ഒരുക്കത്തിലാണ് ഫഹദും കൂട്ടരും.
അൽത്താഫ് സലീം തിരക്കഥയെഴുതി സംവിധാനം ചെയ്യുന്ന ‘ ഓടും കുതിയ ചാടും കുതിര’ എന്ന സിനിമയുടെ തിരക്കിലാണ് ഫഹദ് ഫാസിൽ. ഫഹദിന് പുറമെ കല്യാണി പ്രിയദർശൻ, രേവതി പിള്ള, ധ്യാൻ ശ്രീനിവാസൻ, വിനയ്ഫോർട്ട് എന്നിവരും സിനിമയിൽ പ്രധാനവേഷങ്ങളിൽ എത്തുന്നു. ആഷിഖ് ഉസ്മാൻ പ്രൊഡക്ഷൻസിന്റെ ബാനറിൽ ആഷിഖ് ഉസ്മാൻ നിർമിക്കുന്ന ചിത്രത്തിന്റെ ഛായാഗ്രഹണം നിർവ്വഹിക്കുന്നത് ജിന്റോ ജോർജ്ജാണ്. സിനിമയുടെ ചിത്രം എറണാകുളത്ത് ആരംഭിച്ചെന്ന വാർത്തയാണ് അണിയറ പ്രവർത്തകർ ഇപ്പോൾ പങ്കുവച്ചിരിക്കുന്നത്.
നിവിൻപോളി നായകനായി എത്തിയ ഞണ്ടുകളുടെ നാട്ടിൽ ഒരു ഇടവേളയ്ക്ക് ശേഷം, അൽത്താഫ് സലിം ഒരുക്കുന്ന രണ്ടാമത്തെ ചിത്രമാണ് ഓടും കുതിര ചാടും കുതിര. രൺജി പണിക്കർ, സുരേഷ് കൃഷ്ണ, ബാബു ആന്റണി, ശ്രീകാന്ത് വെട്ടിയാർ, സാഫ് ബോയ്, ലക്ഷ്മി ഗോപാലസ്വാമി തുടങ്ങിയവരാണ് ചിത്രത്തിലെ മറ്റ് താരങ്ങൾ.
സംഗീതം ജെസ്റ്റിൻ വർഗ്ഗീസ്, എഡിറ്റിംഗ് അഭിനവ് സുന്ദർ നായിക്, പ്രൊഡക്ഷൻ കൺട്രോളർ സുധർമ്മൻ വള്ളിക്കുന്ന്, പ്രൊഡക്ഷൻ ഡിസൈനർ അശ്വനി കലേ എന്നിവരാണ്.
