മോഹൻലാൽ നായകനായ ഏറ്റവും പുതിയ സിനിമയുടെ ചിത്രീകരണം നടക്കുകയാണ്. എൽ 360 എന്നാണ് ചിത്രത്തിന് താൽക്കാലിക പേരിട്ടിരിക്കുന്നത്. ചിത്രത്തിൽ സാധാരണക്കാരനായാണ് മോഹൻലാലെത്തുന്നത്. തരൂൺ മൂർത്തിയാണ് ചിത്രം സംവിധാനം ചെയ്യുന്നത്. ചിത്രീകരണത്തിനിടെയുള്ള ഫോട്ടോയാണ് ഇപ്പോൾ സമൂഹമാദ്ധ്യമങ്ങളിൽ പ്രചരിക്കുന്നത്.
പത്തനംതിട്ട റാന്നിയിലെ സാധാരണക്കാരനായ ടാക്സി ഡ്രൈവറായാണ് മോഹൻലാൽ ചിത്രത്തിലെത്തുന്നത്. തരൂൺ മൂർത്തിയും സുനിലും ചേർന്നാണ് ചിത്രം നിർമിക്കുന്നത്. തൊടുപുഴയിലാണ് ചിത്രീകരണം നടക്കുന്നത്. നീണ്ട 15 വര്ഷങ്ങള്ക്ക് ശേഷം മോഹന്ലാൽ- ശോഭന ജോഡികൾ ഒന്നിക്കുന്നുവെന്ന പ്രത്യേകതയും ചിത്രത്തിനുണ്ട്.
നാല് വർഷങ്ങൾക്ക് ശേഷം ശോഭന അഭിനയിക്കുന്ന മലയാള സിനിമ കൂടിയാണിത്. മലയാളത്തിൽ ‘വരനെ ആവശ്യമുണ്ട്’ എന്ന ചിത്രത്തിലാണ് ശോഭന അവസാനമായി അഭിനയിച്ചത്. മോഹൻലാലിന്റെ 360-ാമത് ചിത്രമാണിത്. രജപുത്ര രഞ്ജിത്താണ് ചിത്രത്തിന്റെ നിര്മാതാവ്.