ന്യൂഡൽഹി: നരേന്ദ്ര മോദി സർക്കാർ അധികാരത്തിൽ വന്ന 2014 മുതൽ ഇന്ത്യയിൽ ആയുധങ്ങളുടെയും പ്രതിരോധ ഉൽപന്നങ്ങളുടെയും കയറ്റുമതി 35 മടങ്ങ് വർദ്ധിച്ചതായി റിപ്പോർട്ട് . അഹമ്മദാബാദിൽ തെരഞ്ഞെടുപ്പ് റാലിയിൽ സംസാരിക്കവെ പ്രതിരോധ മന്ത്രി രാജ്‌നാഥ് സിംഗാണ് ഇക്കാര്യം വ്യക്തമാക്കിയത്.
“2014 ൽ, ഞങ്ങൾ 6 ബില്യൺ രൂപയുടെ (72 ദശലക്ഷം ഡോളർ) പ്രതിരോധ ഉൽപ്പന്നങ്ങൾ കയറ്റുമതി ചെയ്തു, എന്നാൽ ഇപ്പോൾ ഈ കണക്ക് 210 ബില്യൺ രൂപ (2.5 ബില്യൺ ഡോളറിലധികം) കവിഞ്ഞു, ഇത് ഇനിയും വർദ്ധിക്കുമെന്നും‘ അദ്ദേഹം പറഞ്ഞു.
ഇന്ത്യ ഉപയോഗിക്കുന്ന പ്രതിരോധ ഉൽപന്നങ്ങൾ ഇന്ത്യയിൽ തന്നെ ഉൽപ്പാദിപ്പിക്കുന്നുവെന്ന് ഉറപ്പാക്കാനാണ് സർക്കാർ ശ്രമിക്കുന്നതെന്നും രാജ്നാത് സിംഗ് പറഞ്ഞു. ഇന്ന് 12 ബില്യൺ ഡോളർ വിലമതിക്കുന്ന പ്രതിരോധ ഉൽപ്പാദനം ഇന്ത്യ നടത്തിയിട്ടുണ്ട്.
85 രാജ്യങ്ങൾക്ക് ഇന്ത്യ പ്രതിരോധ ഉൽപ്പന്നങ്ങൾ നൽകുന്നു. ഇന്ത്യ-റഷ്യ സംയുക്ത സംരംഭമായ ബ്രഹ്മോസ് സൂപ്പർസോണിക് ക്രൂയിസ് മിസൈലുകൾ, വിമാനവേധ മിസൈലുകൾ, പിനാക ലോഞ്ചറുകൾ, ടോർപ്പിഡോകൾ, റഡാറുകൾ, സിമുലേറ്ററുകൾ, കവചിത വാഹനങ്ങൾ, വിമാനങ്ങൾ, തുടങ്ങി നിരവധി ആയുധങ്ങൾ ഹെലികോപ്റ്ററുകളും വിമാനങ്ങളും, യുദ്ധക്കപ്പലുകളും പട്രോളിംഗ് കപ്പലുകളും, ടാങ്കുകളും, ഇലക്ട്രോണിക് യുദ്ധ സംവിധാനങ്ങളും ഉൾപ്പെടെ ഇന്ന് ഇന്ത്യ കയറ്റുമതി ചെയ്യുന്നുണ്ട്.
