നഷ്ടമായ ആദ്യ പ്രണയം മരിക്കുവോളം മനസിൽ ഉണ്ടാകും പലർക്കും . ഇവിടെയിതാ വർഷങ്ങൾക്ക് ശേഷം തന്റെ കോളേജ് ജീവിതത്തിലെ പ്രണയിനിയെ സ്വന്തമാക്കിയിരിക്കുകയാണ് 86 കാരനായ ഷൗ ഗുയിലിൻ. മധ്യ ചൈനയിലെ ഹുനാൻ പ്രവിശ്യയിലെ താമസക്കാരനാണ് ഷൗ ഗുയിലിൻ . 81 വയസ്സുള്ള തന്റെ കാമുകി യാങ് ജിയുഗുയിയെയാണ് ഷൗ ഗുയിലിൻ വിവാഹം കഴിച്ചത് .
ഇരുവരും പീക്കിംഗ് യൂണിവേഴ്സിറ്റിയിൽ ഒരുമിച്ചാണ് പഠിച്ചത്. .വിദ്യാർത്ഥിയായിരിക്കുമ്പോൾ, യാങ്ങും, ഷൗവും പരസ്പരം വളരെയധികം സ്നേഹിച്ചിരുന്നു. എങ്കിലും പിന്നീട് ഇരുവരും അകന്നുപോകുകയും പതിറ്റാണ്ടുകളോളം പരസ്പരം കാണാതെ ജീവിക്കുകയും ചെയ്തു. ഇരുവരും വേറെ വിവാഹം കഴിച്ചു. കുട്ടികളും ഉണ്ടായി. എന്നാൽ തങ്ങളുടെ പങ്കാളികളുടെ മരണശേഷം ഇരുവരും വീണ്ടും കണ്ടുമുട്ടി. അവർ പരസ്പരം ജീവിക്കാൻ ഇഷ്ടപ്പെട്ടു തുടങ്ങി. ജീവിതകാലം മുഴുവൻ ഒരുമിച്ച് ചെലവഴിക്കാൻ ഇരുവരും തീരുമാനിച്ചു.
സൗത്ത് ചൈന മോണിംഗ് പോസ്റ്റിന്റെ റിപ്പോർട്ട് പ്രകാരം ലളിതമായ ചടങ്ങിൽ ഇരുവരും വിവാഹിതരായി. അടുത്ത സുഹൃത്തുക്കളും ബന്ധുക്കളും മാത്രമാണ് വിവാഹത്തിന് എത്തിയതെന്ന് ഇരുവരുടെയും സുഹൃത്തായ ചെൻ പറഞ്ഞു. പരമ്പരാഗത ചൈനീസ് ആചാരങ്ങളോടെയായിരുന്നു വിവാഹം.
