ബെംഗളൂരു: കല്യാൺ ജുവലേഴ്സിന്റെ കർണാടകയിലെ സ്റ്റോറിൽ എയർ കണ്ടീഷണർ പൊട്ടിത്തെറിച്ച് അപകടം. സംഭവത്തിൽ മൂന്ന് പേർക്ക് ഗുരുതരമായി പരിക്കേറ്റു. കർണാടകയിലെ ബെല്ലാരിയിലെ കല്യാൺ ജൂവലേഴ്സിലാണ് സംഭവം. ഇന്നലെ വൈകുന്നേരമാണ് അപകടം നടന്നത്.
സ്റ്റോറിലെ എയർ കണ്ടീഷണറുകളിലൊന്നിന്റെ തകരാർ മൂലമാണ് സ്ഫോടനം നടന്നതെന്നാണ് വിവരം. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. അപകടത്തിൽ സ്റ്റോറിനുള്ളിൽ വലിയ നാശനഷ്ടങ്ങൾ സംഭവിച്ചിട്ടുണ്ട്. പരിക്കേറ്റവരെ ആശുപത്രിയിൽ പ്രവേശിപ്പിച്ചു.
