ന്യൂഡൽഹി : സഹോദരിയെന്ന നിലയിൽ, തന്റെ സഹോദരൻ രാഹുൽ സന്തോഷത്തോടെ ഇരിക്കാനാണ് താൻ ആഗ്രഹിക്കുന്നതെന്ന് പ്രിയങ്ക വാദ്ര . ദേശീയ മാദ്ധ്യമത്തോട് സംസാരിക്കുകയായിരുന്നു പ്രിയങ്ക .
ഒരു സഹോദരിയെന്ന നിലയിൽ, എന്റെ സഹോദരൻ സന്തോഷവാനായി ഇരിക്കുന്നത് കാണാൻ ഞാൻ ആഗ്രഹിക്കുന്നു. അദ്ദേഹം വിവാഹിതനായും കുട്ടികളുണ്ടായി കാണാനും ആഗ്രഹിക്കുന്നുവെന്നും പ്രിയങ്ക പറഞ്ഞു . രാഹുല് പ്രധാനമന്ത്രിയാകുമോ എന്ന ചോദ്യത്തിന് പ്രധാനമന്ത്രി ആരാകണമെന്ന് ഇന്ത്യ സഖ്യം തീരുമാനിക്കുമെന്നായിരുന്നു പ്രിയങ്കയുടെ മറുപടി.
നേരത്തെ രാഹുൽ ഗാന്ധിയെ വിവാഹം കഴിപ്പിക്കൂ എന്ന് ഹരിയാനയിലെ ഗ്രാമീണ സ്ത്രീകളും ആവശ്യപ്പെട്ടിരുന്നു . ഇതിന് നിങ്ങൾ അവന് ഒരു വധുവിനെ അന്വേഷിക്കൂ എന്നാണ് സോണിയ മറുപടി നൽകിയത്.
