മലയാളത്തിന്റെ താരരാജാവിന് ജന്മദിനാശംസകൾ നേർന്ന് സുരേഷ് ഗോപി. പതിറ്റാണ്ടുകളായി സ്ക്രീനിലും ഓഫ് സ്ക്രീനിലും പങ്കിട്ട അനശ്വര നിമിഷങ്ങൾക്ക് നന്ദി. മോഹൻലാൽ എന്ന വിസ്മയത്തെ ഇന്നും എന്നും ആഘോഷിക്കപ്പെടുകയാണ്. വിജയവും സന്തോഷവും പ്രിയപ്പെട്ടവരോടൊപ്പം ആഘോഷമാക്കാൻ സാധിക്കട്ടെയെന്നും സുരേഷ് ഗോപി ജന്മദിനം ആശംസിച്ച് കൊണ്ട് അദ്ദേഹം സമൂഹമാദ്ധ്യമങ്ങളിൽ കുറിച്ചു.
നാല് പതിറ്റാണ്ടായി അഭ്രപാളിയിൽ വിസ്മയം തീർക്കുകയാണ് മോഹൻലാൽ. 1980-ൽ ആരംഭിച്ച ജൈത്രയാത്ര ഇന്നും തുടരുന്നു. വില്ലൻ വേഷത്തിൽ സിനിമാ ജീവിതം ആരംഭിച്ച മോഹൻലാൽ ഇപ്പോൾ ബറോസിലൂടെ സംവിധായകന്റെ മേലങ്കിയും അണിയുകയാണ്.
