തിരുവനന്തപുരം: കെ.എസ്.യു സംസ്ഥാന ക്യാമ്പിൽ കൂട്ടത്തല്ല്. തിരുവനന്തപുരത്ത് നെയ്യാർ ഡാമിൽ നടക്കുന്ന ക്യാമ്പിലാണ് തമ്മിൽ തല്ലുണ്ടായത്. രാജീവ് ഗാന്ധി ഇൻസ്റ്റിറ്റ്യൂട്ടിന്റെ ജനൽ ചില്ലുകൾ അടിച്ച് തകർത്തു. കൂട്ടത്തല്ലിൽ നിരവധി ഭാരവാഹികൾക്ക് പരിക്കേറ്റിട്ടുണ്ട്.
ഇന്നലെ അർദ്ധരാത്രിയിലാണ് സംഭവം. വാക്കു തർക്കം കൂട്ടത്തല്ലിൽ കലാശിക്കുകയായിരുന്നു. സംഘർഷത്തിന്റെ ദൃശ്യങ്ങൾ നേതാക്കൾ ഇടപെട്ട് മൊബൈലിൽ നിന്ന് നീക്കം ചെയ്പ്പിച്ചതായും പരാതിയുണ്ട്. സംഭവത്തിൽ ഒരാൾക്ക് പരിക്കേറ്റിട്ടുണ്ട്. കെഎസ്യു മണ്ഡലം ഭാരവാഹിയായ പാറശ്ശാല സ്വദേശി സുജിത്തിനാണ് പരിക്കേറ്റത്. ഇയാൾ സ്വകാര്. ആശുപത്രിയിൽ ചികിത്സയിലാണ്.
സംഘർഷത്തിന്റെ കാരണം സംബന്ധിച്ച് വ്യക്തമായ വിവരം പുറത്തുവന്നിട്ടില്ല. സംഭവത്തിൽ കെപിസിസി പ്രസിഡന്റ് കെ സുധാകരൻ റിപ്പോർട്ട് ആവശ്യപ്പെട്ടു. കെപിസിസി ഭാരവാഹികൾ ക്യാമ്പ് സെന്ററിൽ എത്താനും നിർദ്ദേശിച്ചിട്ടുണ്ട്.
പരിപാടിയിലേക്ക് പുറത്ത് നിന്നാണ് സംഘർഷം ഉണ്ടാക്കിയതെന്നും, ക്യാമ്പ് നല്ല രീതിയിൽ നടന്നു പോകുന്നതിൽ ചില ആളുകൾക്കുള്ള പ്രയാസമാണ് സംഘർഷത്തിന് കാരണമെന്ന് കെ.എസ്.യു സംസ്ഥാന പ്രസിഡന്റ് അലോഷ്യസ് സേവ്യർ പറഞ്ഞു.
