പ്രശസ്ത ഹോളിവുഡ് നടൻ ജോണി വാക്ടർ (37) മോഷ്ടാക്കളുടെ വെടിയേറ്റ് മരിച്ചു. ശനിയാഴ്ച പുലർച്ചെ ലോസ് ഏഞ്ചൽസിലായിരുന്നു സംഭവം. മോഷണശ്രമം ചെറുക്കുന്നതിനിടെയാണ് നടന് വെടിയേറ്റത്. ജനറൽ ഹോസ്പിറ്റൽ പരമ്പരയിലൂടെയാണ് ജോണി വാക്ടർ പ്രക്ഷേക ശ്രദ്ധനേടിയത്.
ശനിയാഴ്ച പുലർച്ചെ 3:30 ഓടെ, വാക്ടറും സുഹൃത്തും വഴിയോരത്ത് ഇരിക്കുകയായിരുന്നു. ഈ സമയത്ത് വീട്ടിൽ നിർത്തിയിട്ടിരുന്ന കാറിൽ നിന്ന് മൂന്നുപേർ കാറ്റലറ്റിക് കൺവെർട്ടർ മോഷ്ടിക്കാൻ ശ്രമിക്കുന്നത് കണ്ടു. മോഷണം തടയാനുള്ള ശ്രമത്തിനിടയിലാണ് നടന് വെടിയേറ്റത്. വാക്ടറെ ഉടനടി ആശുപത്രിയിലെത്തിച്ചെങ്കിലും രക്ഷിക്കാനായില്ല. ആക്രമികൾ വാഹനത്തിൽ കയറി രക്ഷപ്പെട്ടതായി പ്രദേശിക മാദ്ധ്യമങ്ങൾ റിപ്പോർട്ട് ചെയ്തു.
മോഷണശ്രമം ജോണി വാക്ടറുടെ അമ്മ സ്കാർലെറ്റ് സ്ഥിരീകരിച്ചു. എന്നാൽ ആക്രമികളെ തിരിച്ചറിയാൽ ഇതുവരെ സാധിച്ചിട്ടില്ല. ജോണി വാക്ടറിന്റെ അകാല വിയോഗം കേട്ട് തങ്ങളുടെ ഹൃദയം തകർന്നതായി”ജനറൽ ഹോസ്പിറ്റൽ ടീം എക്സിലൂടെ പ്രതീകരിച്ചു. ജനറൽ ഹോസ്പിറ്റൽ എന്ന പരമ്പരയുടെ 200-ഓളം എപ്പിസോഡുകളിലാണ് ജോണി വാക്ടർ അഭിനയിച്ചത്. മയക്കുമരുന്നിന് അടിമയായ സാഷാ കോർബിന്റെ ഭർത്താവായ ബ്രാൻഡോ കോർബിൻ ആയാണ് വാക്ടർ എത്തിയത്.
