അത്ഭുതപ്പെടുത്തുന്ന ഒട്ടനവധി ഔഷധ സസ്യങ്ങൾ നമുക്ക് ചുറ്റുമുണ്ട്. അതിലൊന്നാണ് ചിറ്റമൃത്. ഇന്നത്തെ തലമുറയ്ക്ക് ഇതത്ര കേട്ട് പരിചയമുണ്ടാവണമെന്നില്ല. ഒരുപക്ഷെ കണ്ടിട്ടു പോലും ഉണ്ടാവില്ല. ഔഷധ കൂട്ടുകളിൽ ഒഴിച്ചു കൂടാനാവാത്ത ഒന്നാണ് ഈ സസ്യം. നിരവധി ആരോഗ്യ ഗുണങ്ങൾ ഇവയ്ക്കുണ്ട്. മരങ്ങളെ ചുറ്റി വളരുന്ന ഒരു വള്ളിച്ചെടിയാണ് ചിറ്റമൃത്. രസായന ഔഷധമായി ഉപയോഗിക്കുന്ന ഈ സസ്യം രോഗങ്ങളെ അകറ്റുക മാത്രമല്ല, മരണത്തെപോലും തടയുമെന്നാണ് ആയുർവേദത്തിൽ പറയപ്പെടുന്നത്.
ചിറ്റമൃതിന്റെ ശാസ്ത്രീയ നാമം Tinospora Cordifolia എന്നതാണ്. സംസ്കൃതത്തിൽ ഗുഡൂചി, അമൃതവള്ളി എന്നിങ്ങനെ ഈ സസ്യം അറിയപ്പെടുന്നു. അമൃതിന്റെ ഇലകളിൽ 11.2% മാംസ്യവും വലിയ തോതിൽ കാത്സ്യം, ഫോസ്ഫറസ് എന്നിവയും അടങ്ങിയിരിക്കുന്നു. ഔഷധ സസ്യങ്ങളിൽ ഇന്നും ഏറ്റവും കൂടുതൽ പഠനത്തിന് വിധേയമാക്കുന്ന സസ്യമാണ് ചിറ്റമൃത്. കടും പച്ചനിറമുള്ള ഇലയാണ് ഈ സസ്യത്തിന്റേത്. വള്ളിക്ക് വിരലിന്റെ കനമേ കാണുകയുള്ളു. ഇളംതണ്ടിലും ഇലയുടെ അടിവശത്തും വെള്ളരോമങ്ങളുമുണ്ട്.
ചിറ്റമൃതിന്റെ ഔഷധഗുണങ്ങൾ എന്തെല്ലാമാണ്…
- ഡെങ്കിപ്പനി, സ്വൈൻ ഫ്ലൂ, മലേറിയ മുതലായവയ്ക്ക് ചിറ്റമൃത് നല്ലതാണ്.
- രോഗപ്രതിരോധ ശക്തി വർധിപ്പിക്കുന്നു.
- ശരീരത്തിൽ നിന്നും വിഷാംശം നീക്കി രക്തം ശുദ്ധിയാക്കുന്നു.
- ബാക്ടീരിയകളെ പ്രതിരോധിക്കുന്നു.
- കരൾ രോഗം മൂത്ര നാളിയിലെ അണുബാധ എന്നിവയെ തടയുന്നു.
- വന്ധ്യതാ ചികിത്സയ്ക്ക് ഉപയോഗിക്കുന്നു.
- ദഹനം സുഗമമാക്കുന്നു.
- രക്തത്തിലെ പഞ്ചസാരയുടെ അളവ് കുറയ്ക്കാൻ സഹായിക്കും.
- ഉത്കണ്ഠയും വിഷാദവും അകറ്റുന്നു.
- ഓർമശക്തി മെച്ചപ്പെടുത്തുന്നു.
- ശ്വസനപ്രശ്നങ്ങൾക്ക് പരിഹാരമേകുന്നു.
- സന്ധിവേദനയ്ക്ക് കഴിക്കാം.
- ആസ്മയ്ക്ക് ആശ്വാസമേകുന്നു.
- ചുമ, ശ്വാസംമുട്ട് എന്നിവയ്ക്ക് പരിഹാരമാണ്.
- കാഴ്ചശക്തി മെച്ചപ്പെടുത്തുന്നു.
ഇങ്ങനെ നീളുന്നു ചിറ്റമൃതിന്റെ ഗുണങ്ങൾ…..
നൂറ്റാണ്ടുകളായി ആയുർവേദത്തിൽ ഉപയോഗിക്കുന്ന ഒന്നാണ് ചിറ്റമൃത്. ഈ സസ്യം ഉപയോഗിച്ച് സുഖപ്പെടുത്താൻ പറ്റാത്ത അസുഖങ്ങളും കുറവാണ്. എന്നിരുന്നാലും ഡോക്ടർമാരുടെ നിർദ്ദേശ പ്രകാരം മാത്രമെ ഇത് ഉപയോഗിക്കാൻ പാടുള്ള. അമിതമായാൽ അമൃതും വിഷമെന്നാണല്ലോ. ഔഷധ ഗുണങ്ങൾ ഏറെയുള്ള സസ്യമാണെങ്കിലും ആയുർവേദ ഡോക്ടർമാരുടെ നിർദ്ദേശം ചോദിച്ചതിന് ശേഷം മാത്രമെ ഈ സസ്യം ഒരു അളവിൽ കൂടുതൽ ഉപയോഗിക്കാൻ പാടുള്ളൂ.
