ഷില്ലോംഗ്: കൂൺ കഴിച്ച് മൂന്ന് മരണം. ഒൻപത് പേർക്ക് ദേഹാസ്വസ്ഥ്യം. മോഘാലയയിലെ വെസ്റ്റ് ജയിന്തിയ ഹിൽസ് ജില്ലയിലാണ് സംഭവം. കാട്ടു കൂൺ കഴിച്ചതാണ് മരണകാരണമെന്നാണ് പ്രാഥമിക നിഗമനം.
ഒരു കുടുംബത്തിലെ 12 പേരാണ് കൂൺ കഴിച്ചതെന്ന് പൊലീസ് പറയുന്നു. മരണപ്പെട്ട മൂന്ന് പേരും കുട്ടികളാണെന്നും പൊലീസ് കൂട്ടിച്ചേർത്തു. റിവാൻസാക സുചിയാങ് (8), കിറ്റ്ലാങ് ദുചിയാങ് (12), വൻസലൻ സുചിയാങ് (15) എന്നിവരാണ് മരിച്ചത്. സംഭവത്തിൽ അന്വേഷണത്തിന് ഉത്തരവിട്ടിട്ടുണ്ടെന്നും അദ്ദേഹം കൂട്ടിച്ചേർത്തു.
എല്ലാ കാട്ടുകൂണുകളും ഭക്ഷ്യയോഗ്യമല്ലെന്നു മാത്രമല്ല അപകടകാരികളുമാണ്. ഇത്തരം വിഷക്കൂണുകൾ നിരവധി ആളുകളുടെ മരണത്തിന് കാരണമാകാറുണ്ട്. സാധാരണ കൂണുകളോട് സാമ്യമുള്ളതാണ് ഇവ. രണ്ടും തമ്മിൽ വേർതിരിച്ചറിയാൻ വർഷങ്ങളുടെ പരിശീലനവും പരിജ്ഞാനവും ആവശ്യമാണ്. ശരിയായി പാകം ചെയ്താൽ ചില കാട്ടു കൂൺ കഴിക്കുന്നത് സുരക്ഷിതമാണ്.
