കോട്ടയം: മണിമലയാറ്റിൽ വയോധിക മുങ്ങിമരിച്ചു. മണിമല മൂങ്ങാനി കളത്തിപ്ലാക്കൽസ്വദേശി ഓമന നാരായണനാണ് മുങ്ങി മരിച്ചത്. മൂങ്ങാനി ശാസ്താ ക്ഷേത്രത്തിന്റെ ആറാട്ടുകടവിന് സമീപമായിരുന്നു അപകടം. രാവിലെ 11 മണിയോടെ കാഞ്ഞിരപ്പള്ളി അഗ്നിശമന സേനയെത്തിയാണ് മൃതദേഹം കണ്ടെത്തിയത്.
വയോധിക കാൽ വഴുതി പുഴയിൽ വീണതെന്നാണ് പ്രാഥമിക നിഗമനം. രാവിലെ 6 മണിയോടെ സഹോദരിയെ കാണാനില്ലെന്ന് പറഞ്ഞ് സഹോദരൻ മുരളീധരൻ നായർ മണിമല പൊലീസിൽ പരാതി നൽകിയിരുന്നു. പുഴയുടെ ഈ ഭാഗത്ത് ചെളി നിറഞ്ഞതിനാൽ പിന്നീട് തിരിച്ച് കയറാൻ കഴിയാത്തതാകാം മരണകാരണമെന്നും പൊലീസ് പറഞ്ഞു.
