ലോക്സഭ തെരഞ്ഞെടുപ്പിൽ മിന്നും വിജയം നേടിയ സുരേഷ് ഗോപിയെ അഭിനന്ദിച്ച് നടി ശ്രിയ രമേഷ്. സിനിമ രംഗത്തെ സഹപ്രവർത്തകനായ സുരേഷ് ഗോപിച്ചേട്ടന്റെ വിജയത്തിൽ ആശംസകൾ അറിയിക്കുന്നതായും അവർ ഇൻസ്റ്റഗ്രാമിൽ കുറിച്ചു. ഇതിനിടെ ഇടത് സൈബർ സംഘങ്ങളുടെ രൂക്ഷ വിമർശനമാണ് നടിക്ക് നേരിടേണ്ടി വരുന്നത്.
‘സിനിമ രംഗത്തെ സഹപ്രവർത്തകനായ സുരേഷ് ഗോപിച്ചേട്ടന്റെ വിജയത്തിൽ ആശംസകൾ അറിയിക്കുന്നു. അർപ്പണ മനോഭാവസത്തോടെ സുരേഷേട്ടനും ഒപ്പമുള്ളവരും ജനങ്ങൾക്കിടയിൽ പ്രവർത്തിച്ച നേടിയ വിജയമാണിത്. സുരേഷേട്ടൻ തൃശൂരിനെ എടുക്കുകയല്ല ജനങ്ങൾ നൽകുകയാണ് ചെയ്തതെന്നാണഅ ഈ വലിയ വിജയം കണ്ടപ്പോൾ തോന്നുന്നത്. രാധിക ചേച്ചിയും മക്കളും ഉൾപ്പെടെ കുടുംബാംഗങ്ങളുടെ പിന്തുണയും എടുത്ത് പറയേണ്ടത്.
വലിയ ഒരു ഉത്തരവാദിത്വമാണ് അദ്ദേഹത്തിലെത്തിയത്. അദ്ദേഹത്തെ വിവാദങ്ങളിൽ കുടുക്കുവാൻ ശ്രമിക്കുന്നവർക്ക് തലവച്ചു കൊടുക്കാതെ എംപി എന്ന നിലയിൽ മികച്ച പ്രവർത്തനങ്ങളിലൂടെ തൃശൂരിന് വലിയ മാറ്റങ്ങൾ കൊണ്ടുവരാണ് സാധിക്കട്ടെ”. — എന്നാണ് അവർ ഇൻസ്റ്റഗ്രാമിൽ കുറിച്ചത്.
