ഛേത്രി ഇതിഹാസം, ജയിച്ച് മടങ്ങാനാകട്ടെ; ആശംസയുമായി ലൂക്കാ മോഡ്രിച്ച്

ഇന്ന് കരിയറിലെ അവസാന മത്സരത്തിനിറങ്ങുന്ന ഇന്ത്യൻ ഫുട്ബോൾ ഇതിഹാസം സുനിൽ ഛേത്രിക്ക് ആശംസയുമായി ക്രൊയേഷ്യൻ ഫുട്ബോൾ ടീം നായകനും റയൽ മാഡ്രിഡ് താരവുമായ ലൂക്കാ മോഡ്രിച്ച്. ഒന്നരപതിറ്റാണ്ട് നീണ്ട കരിയറിനൊടുവിൽ സജീവ ഫുട്ബോളിൽ രാജ്യത്തിനായി ഏറ്റവും കൂടുതൽ ​ഗോൾ നേടിയവരിൽ മൂന്നാം സ്ഥാനക്കാരനായാണ് ഛേത്രി ബൂട്ടഴിക്കുന്നത്. 150 മത്സരങ്ങളിൽ നിന്ന് 94 ​ഗോളുകളാണ് അദ്ദേഹം നേടിയത്.

വീഡിയോ സന്ദേശത്തിലൂടെയാണ് മോഡ്രിച്ച് ഇന്ത്യൻ നായകന് ആശംസകൾ അറിയിച്ചത്. ‘ഹായ് സുനിൽ, എനിക്ക് നിങ്ങളോടൊരു ഹലോ പറയണം. രാജ്യത്തിനായുള്ള അവസാന മത്സരത്തിൽ മികച്ച പ്രകടനം കാഴ്ചവയ്‌ക്കാനാകട്ടെ എന്ന് ആശംസിക്കുന്നു.

നിങ്ങളുടെ കരിയറിന് അഭിനന്ദനങ്ങൾ, ഫുട്ബോളിനും നിങ്ങളുടെ ടീമം​ഗങ്ങൾക്കും നിങ്ങളൊരു ഇതിഹാസമാണ്. അവസാന മത്സരം നിങ്ങൾ എന്നെന്നും ഓർമിക്കുന്ന മത്സരമാകട്ടെ. നല്ലത് സംഭവിക്കട്ടെ, ക്യാപ്റ്റനായി ജയിക്കൂ. ക്രൊയേഷ്യയുടെ ഭാ​ഗത്ത് നിന്ന് എല്ലാവിധ ആശംസകളും” — മോഡ്രിച്ച് വീഡിയോ സന്ദേശത്തിൽ കുറിച്ചു. ഇന്ത്യൻ പരിശീലകൻ ഇഗോർ സ്റ്റിമാക് ആണ് വീഡിയോ പങ്കുവച്ചത്.

Thank you Luka 💙

We will do everything in our power to make our country and our captain proud 🇮🇳 @lukamodric10 @chetrisunil11 @IndianFootball pic.twitter.com/eHPyPfnToi

— Igor Štimac (@stimac_igor) June 5, 2024

“>