ഇന്ത്യയെ നവീകരണത്തിന്റെ ഉറവിടമാക്കി മാറ്റി, ആ​ഗോള തലത്തിൽ രാജ്യത്തെ ശക്തിപ്പെടുത്തി; നരേന്ദ്ര ‌മോദിയെ അഭിനന്ദിച്ച് ബിൽ ​ഗേറ്റ്സ്

ഇന്ത്യയുടെ പ്രഥമ പ്രധാനമന്ത്രി ജവഹർലാൽ നെഹ്റുവിന് ശേഷം തുടർച്ചയായി മൂന്നാമതും സത്യപ്രതിജ്ഞ ചെയ്ത് ചരിത്രമെഴുതിയിരിക്കുകയാണ് നരേന്ദ്ര മോദി. സത്യപ്രതിജ്ഞയ്‌ക്ക് പിന്നാലെ ലോകത്തിന്റെ വിവിധ കേണുകളിൽ നിന്ന് അഭിനന്ദന പ്രവാഹമാണ്.

മൈക്രോ സോഫ്റ്റ് സഹസ്ഥാപകനായ ബിൽ ​ഗേറ്റ്സ് സർവ മേഖലയിലെയും മുന്നേറ്റം എടുത്ത് പറഞ്ഞാണ് പ്രധാനമന്ത്രിക്ക് അഭിനന്ദനം അറിയിച്ചിരിക്കുന്നത്. നവീകരണത്തിന്റെ ഉറവിടമെന്ന നിലയിൽ ഇന്ത്യയെ എത്തിച്ചത് മോദിയുടെ നേതൃപാടവമാണെന്നും ആ​ഗോള പുരോ​ഗതിയുടെ നവീകരണത്തിൽ ഇന്ത്യ അതിന്റെ സ്ഥാനം അടയാളപ്പെടുത്തിയെന്നും ബിൽ ​ഗേറ്റ്സ് എക്സിൽ കുറിച്ചു.

ആരോഗ്യം, കൃഷി, സ്ത്രീകളുടെ നേതൃത്വത്തിലുള്ള വികസനം, ഡിജിറ്റൽ പരിവർത്തനം തുടങ്ങിയ മേഖലകളിൽ എക്കാലത്തെയും മികച്ച പുരോ​ഗതിയാണ് കൈവരിച്ചത്. ഇന്ത്യയിലെയും ലോകത്തിലെയും ജനങ്ങളുടെ ജീവിതം മെച്ചപ്പെടുത്തുന്നതിനായി പങ്കാളിത്തം ദൃഢമാക്കാനും സഹകരണം ശക്തിപ്പെടുത്താനും കാത്തിരിക്കുകയാണെന്നും അദ്ദേഹം കൂട്ടിച്ചേർത്തു.

Congratulations to @narendramodi on winning a third term as Prime Minister. You have strengthened India’s position as a source of innovation for global progress in sectors like health, agriculture, women-led development, and digital transformation. Look forward to a continued…

— Bill Gates (@BillGates) June 9, 2024

കഴിഞ്ഞ മാർച്ചിലാണ് ബിൽ ​ഗേറ്റ്സ് അവസാനമായി ഇന്ത്യ സന്ദർശിച്ചത്. അന്ന് പ്രധാനമന്ത്രിയുമായി നടത്തിയ കൂടിക്കാഴ്ചയിൽ നിർമിത ബുദ്ധി, സാങ്കേതികവിദ്യ തുടങ്ങിയ വിഷയങ്ങൾ ചർച്ച ചെയ്തിരുന്നു. രാജ്യത്തിന്റെ ടെക് മേഖലയ്‌ക്ക് വലിയ സംഭാവനകൾ നൽകുന്ന വിധത്തിലുള്ള പദ്ധതികൾ വിഭാവനം ചെയ്തിരുന്നു. വരും കാലങ്ങളിൽ ഇവ പ്രാവർത്തികമാക്കുമെന്നാണ് കണക്കുകൂട്ടൽ.