ന്യൂഡൽഹി: പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തി നേപ്പാൾ പ്രധാനമന്ത്രി പുഷ്പ കമൽ ദഹൽ. മൂന്നാം തവണയും ഇന്ത്യയുടെ പ്രധാനമന്ത്രിയായി അധികാരമേറ്റ നരേന്ദ്രമോദിയെ കാണാൻ സാധിച്ചതിൽ സന്തോഷമുണ്ടെന്ന് ദഹൽ പറഞ്ഞു. ഇന്ത്യ- നേപ്പാൾ ബന്ധം ദൃഢപ്പെടുത്തുന്നതിനായി ഇരു രാജ്യങ്ങളും അടുത്ത് പ്രവർത്തിക്കുമെന്നും അദ്ദേഹം എക്സിൽ കുറിച്ചു.
” പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തിയതിൽ അതിയായ സന്തോഷമുണ്ട്. മൂന്നാമതും ഇന്ത്യയുടെ പ്രധാനമന്ത്രിയായി അധികാരമേറ്റ പ്രധാനമന്ത്രിയ്ക്ക് എല്ലാവിധ ഭാവുകങ്ങളും നേർന്നു. ഇന്ത്യ- നേപ്പാൾ നയതന്ത്രബന്ധം ശക്തിപ്പെടുത്തുന്നതിനായി ഇരുരാജ്യങ്ങളും പ്രവർത്തിക്കും.”- പുഷ്പ കമൽ ദഹാൽ കുറിച്ചു.
നേപ്പാൾ-ഇന്ത്യ ബന്ധം കൂടുതൽ മെച്ചപ്പെടുത്തുന്നതിനുള്ള മാർഗങ്ങൾ ചർച്ച ചെയ്തു. ഇന്ത്യ- നേപ്പാൾ ബന്ധം കൂടുതൽ ദൃഢപ്പെടുത്തുമെന്നും ദഹാൽ ആത്മവിശ്വാസം പ്രകടിപ്പിച്ചു. പ്രധാനമന്ത്രി നരേന്ദ്രമോദിയുടെ നേതൃത്വത്തിൽ ഇന്ത്യ അഭിവൃദ്ധിപ്പെടുമെന്നും അദ്ദേഹം കുറിച്ചു.
ഇന്നലെ വൈകിട്ട് 7.15ന് രാഷ്ട്രപതി ഭവനിൽ വച്ചായിരുന്നു പ്രധാനമന്ത്രിയുടെ സത്യപ്രതിജ്ഞാ ചടങ്ങ് നടന്നത്. മൂന്നാം മന്ത്രിസഭയിൽ കേരളത്തിൽ നിന്ന് രണ്ട് പേരടക്കം 72 പേരാണ് സത്യപ്രതിജ്ഞ ചെയ്തത്. 8,000 പേരായിരുന്നു ചടങ്ങിന് സാക്ഷ്യം വഹിച്ചത്.
