ന്യൂഡൽഹി: ടി20 ലോകകിരീടം ചൂടിയ ഇന്ത്യൻ ടീമിലെ താരങ്ങളുമായി നടത്തിയ കൂടിക്കാഴ്ച സവിശേഷമെന്ന് പ്രധാനമന്ത്രി നരേന്ദ്രമോദി. ലോക് കല്യാൺ മാർഗിലെ അദ്ദേഹത്തിന്റെ വസതിലായിരുന്നു കൂടികാഴ്ച. പ്രാതലിന് ശേഷം പ്രധാനമന്ത്രി അരമണിക്കൂറിലേറെ താരങ്ങളുമായി സംസാരിച്ചു. ടൂർണമെന്റിലെ നിമിഷങ്ങൾ താരങ്ങളും പരിശീലകൻ രാഹുൽ ദ്രാവിഡും പ്രധാനമന്ത്രിയുമായി പങ്കുവച്ചു. ഇതിന് പിന്നാലെയാണ് പ്രധാനമന്ത്രി നരേന്ദ്രമോദി കൂടികാഴ്ചയുടെ ചിത്രങ്ങൾ ഒരു കുറിപ്പിനൊപ്പം എക്സിൽ പങ്കുവച്ചത്. ബിസിസിഐ അദ്ദേഹത്തിന് ജഴ്സിയും സമ്മാനിച്ചു. ബിസിസിഐ പ്രസിഡൻ്റ് റോജർ ബിന്നിയും സെക്രട്ടറി ജയ് ഷായും ടീമിനൊപ്പമുണ്ടായിരുന്നു.
ഞങ്ങളുടെ ചാമ്പ്യന്മാർക്കൊപ്പം ഒരു സവിശേഷമായ കൂടിക്കാഴ്ച. ടൂർണമെന്റിലെ അവിസ്മരണീയ നിമിഷങ്ങളെ കുറിച്ച് സംസാരിച്ചു. അവർക്ക് ആതിഥ്യമരുളി—-പ്രധാനമന്ത്രി എക്സിൽ കുറിച്ചു. വിരാട് കോലി, മുഹമ്മദ് സിറാജ്, ജസ്പ്രീത് ബുമ്ര, ചഹൽ, സഞ്ജു സാംസൺ എന്നിവരും കൂടികാഴ്ചയ്ക്ക് ശേഷം പ്രധാനമന്ത്രിക്ക് നന്ദി പറഞ്ഞ് പോസ്റ്റുകൾ പങ്കുവച്ചിട്ടുണ്ട്. വൈകിട്ട് അഞ്ചോടെ മുംബൈയിൽ വിക്ടറി പരേഡ് ആരംഭിക്കും.
An excellent meeting with our Champions!
Hosted the World Cup winning team at 7, LKM and had a memorable conversation on their experiences through the tournament. pic.twitter.com/roqhyQRTnn
— Narendra Modi (@narendramodi) July 4, 2024
The triumphant Indian Cricket Team met with the Honourable Prime Minister of India, Shri Narendra Modiji, at his official residence today upon arrival.
Sir, we extend our heartfelt gratitude to you for your inspiring words and the invaluable support you have provided to… pic.twitter.com/9muKYmUVkU
— BCCI (@BCCI) July 4, 2024
