ഷൂട്ടിം​ഗിനിടെ നടൻ സൂര്യയുടെ തലയ്‌ക്ക് പരിക്ക്; കാർത്തിക് സുബ്ബരാജ് സിനിമയുടെ ചിത്രീകരണം നിർത്തി

ഷൂട്ടിം​ഗിനിടെ തമിഴ് നടൻ സൂര്യയുടെ തലയ്‌ക്ക് പരിക്കേറ്റതോടെ സിനിമയുടെ ചിത്രീകരണം നിർത്തിവച്ചു. സൂര്യയുടെ 44-ാമത് ചിത്രത്തിന്റെ ഷൂട്ടിം​ഗിനിടെയാണ് സംഭവം. ഔട്ടിയിലായിരുന്നു ചിത്രീകരണം. സംഘട്ടന രം​ഗത്തിനിടെയാണ് പരിക്കേറ്റത്.

പിന്നീട് സിനിമയുടെ നിർമാതവ് സൂര്യയുടെ ആരോ​ഗ്യ സ്ഥിതി വെളിപ്പെടുത്തി. അദ്ദേഹത്തിന്റെ തലയ്‌ക്ക് ചെറിയ പരിക്കാണെന്നും ആരാധകർക്ക് ഒരു ആശങ്കയും വേണ്ടെന്നും നിങ്ങളുടെ പ്രാർത്ഥനയുടെ കരുത്തിൽ അദ്ദേഹം ആരോ​ഗ്യവാനാണെന്നും രാജശേഖർ പാണ്ഡ്യൻ പങ്കുവച്ച കുറിപ്പിൽ പറഞ്ഞു.താരത്തിന് കുറച്ചു ദിവസത്തെ വിശ്രമം ഡോക്ടർമാർ പറഞ്ഞിട്ടുണ്ട്. ഊട്ടിയിലെ ഒരു ആശുപത്രിയിലാണ് താരത്തെ പ്രവേശിപ്പിച്ചത്. ഇതോടെയാണ് ഷൂട്ടിം​ഗ് തത്കാലത്തേക്ക് റദ്ദാക്കിയത്.

ചിത്രത്തിൽ പൂജ ഹെ​ഗ്ഡെയാണ് നായികയാകുന്നത്. ജയറാമും കരുണാകരനും ജോജു ജോർജും പ്രധാന വേഷങ്ങളിൽ എത്തുന്നുണ്ട്. കാർത്തിക് സുബ്ബരാജ് സംവിധാനം ചെയ്യുന്ന ചിത്രത്തിന്റെ ചെറിയൊരു ടീസർ സൂര്യയുടെ ജന്മദിനത്തിന് പങ്കുവച്ചിരുന്നു.

Dear #AnbaanaFans, It was a minor injury. Pls don’t worry, Suriya Anna is perfectly fine with all your love and prayers. 🙏🏼

— Rajsekar Pandian (@rajsekarpandian) August 9, 2024