ശ്രദ്ധിക്കുക: പൊതുഫലങ്ങൾ ഒരു നിശ്ചിത കാലയളവിലെ ഗ്രഹനിലയെ അടിസ്ഥാനമാക്കിയുള്ള പ്രവചനങ്ങളാണ്. എന്നാൽ, ഓരോ വ്യക്തിയും അനുഭവിക്കുന്ന യഥാർത്ഥ ഫലങ്ങൾ ജനന സമയത്തെ ഗ്രഹനില, അതിൽ നിന്നുണ്ടാകുന്ന യോഗങ്ങൾ, നിലവിലെ ദശ, അപഹാരങ്ങൾ എന്നിവയെ ആശ്രയിച്ചിരിക്കും. എന്നിരുന്നാലും, ഈ പൊതുഫലങ്ങളെ ഒരു സൂചനയായി ഉപയോഗിച്ച്, വിശദമായ ജാതക വിശകലനം നടത്തി ദശാനാഥനെ പ്രീതിപ്പെടുത്താനുള്ള വഴികൾ തേടുകയും ദോഷപരിഹാരങ്ങൾ ചെയ്യുകയും ചെയ്താൽ, നല്ല സമയങ്ങളുടെ ഗുണഫലങ്ങൾ പരമാവധി അനുഭവിക്കാനും പ്രതികൂല സമയങ്ങളെ കൂടുതൽ എളുപ്പത്തിൽ തരണം ചെയ്യാനും സാധിക്കും.
ഇതും വായിക്കുക
മേടം രാശി: (അശ്വതി, ഭരണി, കാർത്തിക ആദ്യ 1/4 ഭാഗം)
ജോലിയിൽ സ്ഥാനക്കയറ്റവും ശമ്പള വർദ്ധനവും ഉണ്ടാവും. രാഷ്ട്രീയത്തിൽ പ്രവർത്തിക്കുന്നവർക്കു പേരും പ്രശസ്തിയും വർദ്ധിക്കും. ഏറ്റവും വേണ്ടപ്പെട്ടവരുമായി ഒത്തുചേരുവാനും അവരോടൊപ്പം സമയം ചെലവഴിക്കാനും സമയം ഉണ്ടാവും. വാരം അവസാനം സ്ത്രീകൾ മൂലം അപവാദം കേൾകുവാനോ പണം നഷ്ടപ്പെടുവാനോ ഇടയാകും.
ഈ വാരം മാനസീകമായും ശാരീരികമായും സാമ്പത്തീകമായും ധാരാളം സന്തോഷം നൽകുന്ന വാരമായിരിക്കും. ധനപരമായി ഇടപെടുമ്പോൾ വളരെ അധികം ശ്രദ്ധയും പക്വതയും കാണിച്ചില്ലെങ്കിൽ പലപ്രകാരത്തിലുള്ള നഷ്ടങ്ങളും ഉണ്ടാവും. സർക്കാരിൽ നിന്നും ആനുകൂല്യങ്ങൾ ലഭിക്കുകയും സർക്കാർ ജോലി ലഭിക്കുകയോ ചെയ്യും. മനസ്സിൽ വിചാരിക്കുന്ന കാര്യങ്ങൾ ആത്മാർത്ഥമായി പ്രാർത്ഥിക്കുകയും ഒപ്പം പ്രവർത്തിക്കുകയും ചെയ്താൽ നടക്കുന്ന കാലം കൂടിയാണ്.
മേടക്കൂറിലുള്ള അശ്വതി, ഭരണി, കാർത്തിക നക്ഷത്രക്കാർ യഥാക്രമം ശനിയാഴ്ച, ചൊവ്വാഴ്ച, ഞായറാഴ്ച ദിവസം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
ആഗസ്ത് 24 അശ്വതി നക്ഷത്രക്കാരുടെ പക്കപ്പിറന്നാൾ ആയതിനാൽ, വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
ഇടവം രാശി: (കാർത്തിക അവസാന 3/4 ഭാഗം, രോഹിണി, മകയിര്യം ആദ്യ 1/2 ഭാഗം)
വാരത്തിന്റെ തുടക്കം ശത്രുക്കളെ കൊണ്ട് ഉപദ്രവം കൂടുന്ന സമയമാണ്. അനാവശ്യമായ അപവാദങ്ങളോ അപമാനങ്ങളോ നേരിടേണ്ടി വരും. അലച്ചിൽ, ഭാഗ്യഹാനി. കുടുംബത്തിൽ അയല്പക്കക്കാരോ സ്വന്തം ആളുകളോ മൂലം പ്രശ്നങ്ങൾ ഉണ്ടാവും. എന്നാൽ വാരമധ്യത്തോടു കൂടി തൊഴിൽ ഇടങ്ങളിൽ ഉയർച്ചയും പേരും ലഭിക്കും.
സ്വന്തമായി പദ്ധതികൾ ഉണ്ടാവുകയും അതിൽ വിജയിക്കുകയും ചെയ്യും. ഏതെങ്കിലും തരത്തിലുള്ള ലോൺ അപേക്ഷിച്ചവർക്ക് അതിനുള്ള അനുമതി ലഭിക്കും. ബന്ധുജനസമാഗമം , ഭക്ഷണ സുഖം, ദാമ്പത്യ ഐക്യം എന്നിവ പ്രതീക്ഷിക്കാം. കുടുംബത്തിൽ ഭാര്യാഭർത്താക്കൻമ്മാർ തമ്മിലും സന്താനങ്ങളുമായി കലഹമോ അഭിപ്രായ വ്യത്യാസമോ വരും. മനോരോഗങ്ങൾ ഉള്ളവർ കൃത്യ സമയത്തു മരുന്നുകൾ കഴിക്കുവാൻ ശ്രെദ്ധിക്കുക. ജലത്തിൽ നിന്നും അപകടങ്ങൾ ഉണ്ടാവാം.
ഇടവക്കൂറിലുള്ള കാർത്തിക, രോഹിണി, മകയിരം നക്ഷത്രക്കാർ യഥാക്രമം ഞായറാഴ്ച, തിങ്കളാഴ്ച, തിങ്കളാഴ്ച ദിവസം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
മിഥുനം രാശി: (മകയിര്യം അവസാന 1/2 ഭാഗം, തിരുവാതിര, പുണർതം ആദ്യ 3/4 ഭാഗം)
ഈ വാരം ഗുണദോഷ സമ്മിശ്രമായിരിക്കും. അന്യ ജനങ്ങളെ കൊണ്ട് ദോഷങ്ങൾ ഉണ്ടാവുകയും കേസ് വഴക്കുകളിൽ ജയിൽ ശിക്ഷ അനുഭവിക്കേണ്ടി വരികയും ചെയ്യും. ഉദര സംബന്ധമായി രോഗങ്ങൾ അലട്ടുകയും ആശുപത്രിവാസവും ഉണ്ടാവും. രാത്രികാലങ്ങളിൽ സഞ്ചരിക്കുമ്പോൾ സൂക്ഷിക്കുക ഇഴ ജന്തുക്കളുടെ ദ്രംശനം ഏൽക്കുവാൻ സാധ്യത ഉണ്ട്.
വാരം അവസാനത്തോട് കൂടി തൊഴിൽ വിജയം, ധനനേട്ടം എന്നിവ ഉണ്ടാകും. തൊഴിൽ അന്വേഷിക്കുന്നവർക്ക് അർഹമായ തൊഴിൽ നേടാനും അത് വഴി ധനനേട്ടവും പ്രതീക്ഷിക്കാം. അപ്രതീക്ഷിതമായി ബന്ധുജനങ്ങളെ കണ്ടുമുട്ടാനും അവരോടൊപ്പം സമയം ചെലവഴിക്കാനും അവസരം ഉണ്ടാവും. ബന്ധുജനങ്ങൾ വഴി ഗുണാനുഭവങ്ങൾ ഉണ്ടാവും.
മിഥുനക്കൂറിലുള്ള മകയിരം, തിരുവാതിര, പുണർതം നക്ഷത്രക്കാർ യഥാക്രമം തിങ്കളാഴ്ച, ചൊവ്വാഴ്ച, ബുധനാഴ്ച ദിവസം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
കർക്കടകം രാശി: (പുണർതം അവസാന 1/4 ഭാഗം, പൂയം, ആയില്യം)
ജീവിത പങ്കാളിയുമായി പ്രശ്നങ്ങൾ പറഞ്ഞു രമ്യതയിൽ എത്താൻ ശ്രേമിക്കും. എവിടെയും മാന്യതയും സ്ഥാനവും ലഭിക്കും. എന്നാൽ വാരമധ്യത്തോടു കൂടി മാനസീകമായും സാമ്പത്തികമായും ചില പ്രശ്നങ്ങളിൽ പെടുവാൻ സാധ്യത ഉണ്ട്. ശത്രുക്കളിൽ നിന്നും തിരിച്ചടി ഉണ്ടാവനോ കേസുകളിൽ പരാജയം സംഭവിക്കുകയോ ചെയ്യും. ഏതെങ്കിലും അസുഖമുള്ളവർ കൃത്യ സമയത്തു വൈദ്യ സഹായം തേടിയിലെങ്കിൽ രോഗം മൂർച്ഛിക്കാൻ ഇടയാകും.
വാരമധ്യത്തോടു കൂടി ഏതെങ്കിലും കേസ് വഴക്കുകളിൽ ശിക്ഷ അനുഭവിക്കാൻ യോഗമുണ്ട്. ഏതെങ്കിലും ചെക്ക് ഒപ്പിടുമ്പോൾ ചതി പറ്റാനും വഞ്ചിക്കപെടാനും സാധ്യതയുണ്ട്. ഉദരം, ശ്വാസ കോശം , ആമാശയം രോഗമുള്ളവർ ജാഗ്രത പാലിക്കുക. വാരാന്ത്യം സമാധാനം, സന്തോഷം ലഭിക്കും.
കർക്കിടകക്കൂറിലുള്ള പുണർതം, പൂയം, ആയില്യം നക്ഷത്രക്കാർ യഥാക്രമം ബുധനാഴ്ച, വ്യാഴാഴ്ച, വെള്ളിയാഴ്ച ദിവസം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
Weekly Prediction by Jayarani E.V
