തിരുവനന്തപുരം: സേവാഭാരതി ആര്യൻകോട് പഞ്ചായത്തിന്റെ സേവനകേന്ദ്രം ഉദ്ഘാടനം ചെയ്തു. കീഴാറൂർ ശ്രീ സരസ്വതി വിദ്യാലയത്തിന് സമീപമാണ് പരമേശ്വരീയം സേവാകേന്ദ്രം പ്രവർത്തനം ആരംഭിച്ചത്. സേവാഭാരതി ആര്യൻകോട് പഞ്ചായത്ത് സമിതി രക്ഷാധികാരി ശ്രീകണ്ഠന്റെ അദ്ധ്യക്ഷതയിൽ ചേർന്ന ചടങ്ങിൽ മുൻ സൈനികനും പഞ്ചായത്തിലെ മികച്ച കർഷകനുള്ള അവാർഡ് ജേതാവുമായ ജി.പ്രഭാകരൻ നായർ ഉദ്ഘാടനം നിർവഹിച്ചു.
വിവിധ ക്ഷേത്ര സംഘടനാ പ്രതിനിധികൾ, പ്രവർത്തകർ ഉൾപ്പെടെ നൂറോളം പേർ പങ്കെടുത്ത ചടങ്ങിൽ നിർധനരായവർക്ക് ഓണക്കോടി വിതരണവും ആനുകൂല്യങ്ങളും നൽകി.സേ വാഭാരതി ജില്ലാ സമിതിയംഗം ജി കെ തമ്പി സേവാസന്ദേശവും,രാഷ്ട്രീയ സ്വയംസേവക സംഘം വെള്ളറട ഖണ്ഡ് സഹകാര്യവാഹ് അരുൺ, ബിജെപി മണ്ഡലം സെക്രട്ടറി രതീഷ്, ബിജെപി പഞ്ചായത്ത് കമ്മിറ്റി പ്രസിഡന്റ് അഖിൽ ആർ എസ് തുടങ്ങിയവർ ആശംസയും അർപ്പിച്ചു.
