ചെന്നൈ: ബി.ജെ.പി നേതാവ് അണ്ണാമലൈയുടെ ചിത്രം ധരിപ്പിച്ച് ആടിനെ കശാപ്പ് ചെയ്ത സംഭവത്തിൽ മൂന്ന് പേർക്കെതിരെ കേസെടുത്തതായി പോലീസ് ചെന്നൈ ഹൈക്കോടതിയെ അറിയിച്ചു.
ഇതും വായിക്കുക
കോയമ്പത്തൂർ ലോക്സഭാ മണ്ഡലത്തിൽ തമിഴ്നാട് ബിജെപി അധ്യക്ഷൻ കെ അണ്ണാമലൈ പരാജയപ്പെട്ടതിനെ തുടർന്ന് കൃഷ്ണഗിരിക്ക് സമീപം ചിലർ അണ്ണാമലൈയുടെ ചിത്രമുള്ള മുഖം മൂടി ധരിപ്പിച്ച കശാപ്പ് ചെയ്യുകയായിരുന്നു. ഇതുമായി ബന്ധപ്പെട്ട വീഡിയോ സോഷ്യൽ മീഡിയയിൽ വൈറലായിരുന്നു. ഇതിനെ തുടർന്ന് ബിജെപി ഡിജിപിക്ക് പരാതി നൽകി.
ഇതും വായിക്കുക
ഈ വിഷയത്തിൽ നടപടി ആവശ്യപ്പെട്ട് അഭിഭാഷകനായ മോഹൻദാസ് മദ്രാസ് ഹൈക്കോടതിയിൽ കേസ് ഫയൽ ചെയ്തു. ചീഫ് ജസ്റ്റിസ് ഡി.കൃഷ്ണകുമാർ, ജസ്റ്റിസ് പി.പി.ബാലാജി എന്നിവരടങ്ങുന്ന ‘ഒന്നാം ബെഞ്ചിന്’ മുമ്പാകെയാണ് ഹർജി വാദം കേട്ടത്.
ഇക്കാര്യത്തിൽ സ്വീകരിച്ച നടപടി സംബന്ധിച്ച് റിപ്പോർട്ട് നൽകാൻ കോടതി പോലീസിനോട് ഉത്തരവിട്ടിരുന്നു. അഡീഷണൽ ക്രിമിനൽ പ്രോസിക്യൂട്ടർ ആർ.മുനിയപ്പരാജ് ഹാജരായി, കൃഷ്ണഗിരി ജില്ലാ എസ്പിയുടെ റിപ്പോർട്ട് സമർപ്പിച്ചു. ഇതേ വിഷയത്തിൽ ശിവപ്രകാശം എന്ന ആൾ നൽകിയ പരാതിയുടെ അടിസ്ഥാനത്തിൽ ഭരത്, അസൈത്തമ്പി, രാമൻ എന്നിവർക്കെതിരെ കേസെടുത്തതായി കൃഷ്ണഗിരി ജില്ലാ പൊലീസ് സൂപ്രണ്ട് നൽകിയ റിപ്പോർട്ടിൽ പറയുന്നു.
ഇതും വായിക്കുക
അന്വേഷണം ഉടൻ പൂർത്തിയാക്കി അന്തിമ റിപ്പോർട്ട് കോടതിയിൽ സമർപ്പിക്കും.ചീഫ് ജസ്റ്റിസ് ഡി.കൃഷ്ണകുമാർ, ജസ്റ്റിസ് പി.പി.ബാലാജി എന്നിവരടങ്ങുന്ന ഒന്നാം ബെഞ്ച് ഇത് രേഖപ്പെടുത്തി കേസ് രണ്ടാഴ്ചത്തേക്ക് മാറ്റിവച്ചു.
ഹർജിക്കാരന് വേണ്ടി അഭിഭാഷകൻ ജി.എസ്.മണിയാണ് ഹാജരായത്
