തന്റെ സര്‍ജറിയുടെ മുഴുവന്‍ തുകയും തന്ന് സഹായിച്ചത് കേന്ദ്രമന്ത്രിയും , നടനുമായ സുരേഷ് ഗോപിയാണെന്ന് വെളിപ്പെടുത്തി നിവി നിവേദ് ആന്റണി. റീ റിലീസ് ചെയ്ത മണിച്ചിത്രത്താഴിന്റെ പ്രദർശനത്തിന് ശേഷമായിരുന്നു നിവിയുടെ പ്രതികരണം.
‘എന്റെ സര്‍ജറിയിലെ ട്വിസ്റ്റ് എന്താണെന്ന് വച്ചാല്‍ സര്‍ജറിയുടെ മുഴുവന്‍ തുകയും തന്ന് സഹായിച്ചത് സുരേഷ് ഗോപി സര്‍ ആണ്. അത് രാഷ്‌ട്രീയത്തിന്റെയൊന്നും അടിസ്ഥാനത്തിലല്ല. അദ്ദേഹത്തിന്റെ സ്വന്തം ഫണ്ടില്‍ നിന്നു തന്നെയാണ്. അമൃത ഹോസ്പിറ്റലിലായിരുന്നു എന്റെ സര്‍ജ്ജറി . സര്‍ജറിയ്‌ക്ക് ശേഷം ഫോണില്‍ അദ്ദേഹം വിളിച്ച് സംസാരിക്കുകയും ചെയ്തിട്ടുണ്ട്. അങ്ങനെയുള്ള നല്ല മനുഷ്യരുടെ പഴയ സിനിമകൾ കാണുമ്പോൾ ബ്ലസ്ഡ് ഫീലിംഗാണ് തോന്നുന്നത്. എല്ലാവരും വന്ന് കാണുക . അത്രയും നല്ല വൈബാണ് . ഈ സോഷ്യൽ മീഡിയയിൽ കാണുന്ന പോലെയൊന്നുമല്ല. വലിയ ഒരു തുകയാണ് അദ്ദേഹം ട്രാൻസ് കമ്യൂണിറ്റിയ്‌ക്ക് വേണ്ടി , അവരുടെ ഹെൽത്ത് പ്രോബ്ലംസിനു വേണ്ടി നൽകിയിരിക്കുന്നത് . വളരെ നല്ല മനുഷ്യനാണ് ‘ നിവി പറഞ്ഞു.
