അയോദ്ധ്യയിലെ രാംലീല അവിസ്മരണിയമാക്കാൻ ബോളിവുഡിൽ നിന്നുള്ള താരങ്ങൾ. പ്രശസ്ത അഭിനേതാക്കളടക്കം 42 പേരാണ് രാംലീല അവതരിപ്പിക്കാനായി എത്തുന്നത്. ഒക്ടോബർ 1 മുതൽ 12 വരെയാണ് രാംലീല അരങ്ങേറുന്നത്.
ബിജെപി എംപിമാരും ഭോജ്പുരി അഭിനേതാക്കളുമായ മനോജ് തിവാരി, രവികിഷൻ എന്നിവരും രാംലീലയിൽ പങ്കെടുക്കുന്നുണ്ട്. മനോജ് തിവാരി ബാലിയുടെ വേഷത്തിലും രവികിഷൻ സുഗ്രീവനായുമാണ് എത്തുന്നത്. രാമചരിതമാനസുമായി ബന്ധപ്പെട്ട എല്ലാ അധ്യായങ്ങളും രാംലീലയിലൂടെ വേദിയിൽ എത്തും.
രാംലീല പ്രൗഢ ഗംഭീരാമാക്കാനുള്ള തയ്യാറെടുപ്പുകൾ ആരംഭിച്ചതായി രാംലീല സ്ഥാപക പ്രസിഡൻ്റ് സുഭാഷ് മാലിക്കും ജനറൽ സെക്രട്ടറി ശുഭം മാലിക്കും പറഞ്ഞു. ഇത്തവണ നിരവധി സിനിമാ താരങ്ങൾ വേദിയിൽ എത്തുന്നുണ്ടെന്നും അവർ കൂട്ടിച്ചേർത്തു. 2008-ൽ രാംലീലയ്‌ക്ക് യുനെസ്കോ അംഗീകാരം ലഭിച്ചിരുന്നു,
